點心到 (廟街)

營業中

休息中

晶瑩鮮蝦餃（2粒）（$16）餃皮比坊間煙韌，蝦肉尚算爽口。原隻蝦燒賣（2粒）（$15）豬肉餡有咬口，唔似全肥肉，面嗰隻蝦彈牙。不錯。黑金流沙包（$25）包皮鬆軟，裡面嘅流沙咸蛋黃都多，而且唔太咸。金沙脆皮銀蘿腸（$28）腸粉皮好滑，裡面脆皮再包住粗條白蘿蔔絲，口感有層次。好搞笑有條菜芯係上面。籠仔臘味飯（$44）有臘腸、臘肉、臘鴨各三件，三款臘味都好味，尤其是臘肉，肥瘦各半，肥位唔油膩，瘦肉唔韌。飯底講明用金鳳米，粒粒分明又唔“削”，撈埋啲臘味蒸出嚟嘅油，香味提升。好味道。PS：茶錢$3@，不收加一。