富臨薈 (已結業)

位於沙田既臨富薈，裝修時尚，主要食fusion 菜式同埋靚到爆既創意點心😍係點心拼盤呀！個豬仔包好得意💓 係紫薯餡呀！味道香濃👍🏼 流心奶黃包真係超正🤤 其他包、餃可以睇佢地既外表先估下個味道，然後食落再確定下個味道，都幾過癮😆不得不讚揚個乳鴿，肉質嫩滑，肉汁飽滿，係最想encore 既菜式！！另外，有雞先定有蛋先，呢個名堂幾正😂 賣相都好得意！初頭以為個雞蛋仔係燉蛋，但原來係芒果布丁！好滑，芒果味特濃😍好好食！ 個雞仔係咸水角黎，呢個都中意食。洛神紅米金沙腸，紅紅綠綠，賣相好開胃，紅色外層原來係用洛神花紅莓整成的,酸酸甜甜，腸粉非常脆身，吾錯呀。鴻圖超脆麵, 真係超脆😂 上面係龍蝦汁加龍蝦肉，味道濃厚，炸麵再配呢個醬，幾特別。