點一龍 (海港城) (已結業)

因為有海港城DC,星期五3人行去海港城點一龍點心午餐，特意叫d特別造型點心，脆網皮海皇腸粉，熱辣辣，咬落脆卜卜，蝦亦大又爽口，正。梨子鹹水角，造型靚，味道亦好好味。牛仔手袋，造型靚，表面好鬆，但牛味少，普通。乾貝雞包仔，夠熱，但皮較厚。子鲜蝦燒賣同晶瑩海蝦餃，蝦夠爽口彈牙，普普通通。炒咗一碟沙茶銀芽雞球炒河，反而有驚喜，炒得夠乾身，好味。整體服務都好好，三人享用午餐吾算貴，大约共$450，用埋DC,只需$250,抵。