陳家廚房

營業中

休息中

食一層層架的英式下午茶，好少有熱辣辣的食物，但係今次呢一個就有啲驚喜。銅鑼灣利景酒店的陳家廚房，是一個吃中菜的地方，所以佢地點心做得好好。Tea set 中西合璧，三款點心包括有蝦餃燒賣同埋灌湯餃。我自己好喜歡他的蝦餃和燒賣，飽滿多餡，而朋友和我相反，她最喜歡灌湯餃，說用料充足還有素翅。點心之後就趁啲鬆餅仲熱食咗鬆餅先，質素唔錯。食完點心鬆餅已經有啲飽，佢嘅甜點仲要全部都好大件，唔係一般tea set 細細粒嘅餅仔。唔怪得知見到隔籬枱要打包。甜點方面：我自己喜歡紅桑子朱古力拿破崙，味道清新有層次，拿破崙餅皮夠脆。第二喜歡香芋麻糬蛋糕卷，好香芋頭味，麻糬煙煙韌韌，又唔會太甜，冇諗過中菜廳都將甜品做得咁出色。朋友最欣賞個巨峰提子奶凍，因為佢有一陣好清香嘅味道，而且口感輕盈唔膩。星期六送每人一杯Prosecco 令到成個感覺更加悠閒。餐飲我們點了一壺薄荷茶，和一杯凍鮮奶咖啡。餐廳職員很有禮貌，而且餐廳座位闊落，坐得很舒服。喜歡我的食評歡迎追蹤按讚❤️謝謝。