生煎包點心專門店

營業中

休息中

星期六晚上6點，天氣凍凍地，2個人去街坊食店想食煲仔飯，去到等幾分鐘就有檯，呢度冇裝潢，要疊檯，但有街坊人情味，伙記吾得閒熟客就自己自動波寫籌取籌，伙記吾多但密密加水及收碟，點心聲稱即叫即做，而且份量超大勁多。我地叫左個油鴨脾滑雞煲仔飯，真係有驚喜，香味撲鼻，初初擔心油鴨脾會只得肥羔冇乜肉，點知都幾有良心，有鴨脾油香，又有鴨肉食，滑雞的確好嫩滑，除左D餸多到鋪滿晒飯面外，飯軟熟甘香，有一層薄薄飯焦，脆卜卜，稍為用小小力便輕易把飯焦捌出，不會浪費米飯，而且份量足夠2人用。$5O超扺食。見到人地D點心超大件份量多，貪心叫了幾個特別點心。藕餅有3大件，新鮮炸起，食到原粒蓮藕。鯪魚球不是腥蒸，是即炸起，很惹味完全冇魚腥味，咬開有新鮮蔥粒，仲有6粒咁多。咸水角，伙記細心剪開才端上檯，熱到放低左幾分鐘後仲見有蒸氣冒出。2人食1食煲仔飯加3個點心連茶錢，都係$107.今時今日香港地，有這街坊小店，這個天氣不太冷。