金萬年酒家 (已結業)

今日兩公婆嚟飲午茶，聽朋友介紹話唔錯，所以一訓醒就過嚟。呢間茶樓占地應該過萬尺，有好多VIP房，坐係入面嘅有老人家，有商務人員，後生仔就少啲啦！我地一入去就即刻將個年齡層拉低左啦職員都好勤快，見到我哋入嚟就即刻帶位，仲好快沖好茶俾我地。我見到新鮮出爐嘅 叉燒酥，立即叫姐姐俾碟我，老公仲問我鍾意食嘅咩？我話：“新鮮嘅咩都好食。”老公即刻咬啖，佢都話好鬆脆，好好食，我地食左兩碟呀我哋仲叫左腸粉，燒賣，棉花雞，尖椒肉，水餃，除左棉花雞個賣相差小小，其他味道真係一流。有機會真係要試下