海福樓 (已結業)

今日又食海福樓 ，嗰啲點心一向都好熱， 叉燒都保持水準 。我哋叫咗蝦腸， 魚肚釀蝦滑 ，招牌叉燒 ，蝦餃 ，煎牛肉餅 招牌砂鍋海螺飯等等，一共八樣嘢。 啲嘢食好快就到齊， 樣樣都熱， 全部都幾好食。 由於呢度啲叉燒 零舍受歡迎， 所以每次喺訂枱嘅時候， 都要著名留叉燒 至有得食。今次我哋係用咗一個訂枱優惠app 去訂枱嘅， 呢個app已經好普遍， 喺海福樓我以前都用過一次。 點知訂午餐就出事。 我去到 講咗自己個名同埋電話號碼， 嗰知客知道咗就，比枱我， 咁就坐低叫嘢食。 雖然係中上價嘅酒樓， 但係啲嘢食都好似快餐咁快到， 唔緊要，最緊要好食， 眨下食曬就埋單啦。 張單來到冇優惠， 同佢講用個app book嘅 ，佢居然話你都冇一早講定， 條款規定唔可以預先留叉燒㗎。真係搞笑， 我用個app book，咁點解佢個記錄睇唔到我係用個app book㗎呢？ 如果唔畀留叉燒，咁點解打電話去話畀佢聽我book咗張枱，想留叉燒嗰陣時，佢又畀我留呢？ 加上我即刻睇返條款，冇話唔畀預先留餸喎。個經理其實都好好態度， 有say sorry, 佢只不過係支吾以對，是但用咗一個藉口 ，去解釋點解冇折畀我。