東方(勝記)飯店

營業中

休息中

今晚喺元朗宵夜試吓飲夜茶，因為經過一間舊式點心小店好似味道唔錯咁樣於是就走入去幫襯，由於始終係宵夜所以又唔可以食得太多野，兩個人只係叫咗四樣點心真係非常之有節制，呢四樣點心分別係佢嘅招牌蝦餃、鵪鶉蛋燒賣、懷舊糯米卷同埋芋頭鴨腳扎。四樣嘢之中招牌蝦餃味道最好，真正做到鄙薄餡靚，入面隻蝦肉質非常新鮮又彈牙，果然係招牌。糯米卷係舊式嗰隻size比較大少少嘅，卷皮厚薄適中，佢同糯米嘅比例啱啱好。鵪鶉蛋燒賣感覺上味道淡咗少少，不過味道都ok的。芋頭鴨腳札就只屬一般水準，可能係隻鴨腳比較瘦弱啦，不過好彩件芋頭都夠粉。