籠太子點心專門店 (已結業)

今日同朋友放完工嚟到筲箕灣東大街，突然今晚好想飲茶，出到去見到有間點心專門店，見到都好光猛，咁同朋友入去試吓，侍應帶我哋坐埋一邊一坐低佢就俾咗一大罐茶我哋，原來佢呢度係set咗全部都係玄米茶嘅，咁我哋一到出嚟都有好香嘅玄米茶味，清清地，我哋見到有個招牌就係鮑魚燒賣，咁我哋叫咗一籠有兩隻，之後叫咗個鳳爪排骨飯，跟住叫左個煎蝦膠釀茄子，上湯鮮竹卷，香滑反斗糕，蝦將軍炒腸粉，佢個招牌鮑魚燒賣好好味，隻鮑魚唔係話好大粒但係都係好有鮑魚味，最有驚喜係個煎蝦膠釀茄子，上面嗰層蝦膠好好味呀，好有蝦味同埋爽滑，另外佢個香滑反斗糕，都幾好味有少少似馬拉糕咁，今晚呢餐大概$160左右兩個人除反平均每人$80都幾抵, 另外呢度茶錢每人$3一位，同埋唔需要+1服務費，都幾抵😋😋