熱點點心專門店

營業中

休息中

市面而家新興好多點心專門店，咁啱喺太子呢頭做完嘢，經過呢間點心店喺外面見到有孖寶，好似幾ok,入去先知係外賣。睇點心紙，點心唔平，但開咗位，唯有剔咗個蒸點同盅頭飯。茶係茶包 盅頭飯飯係熱上，但份量就較少，拎起啲雞肉同舊冬菇，個飯得一半都無，太多味精，飯當然唔係靚米。蒸點餃皮太厚同濕，菜苗份量可以，蝦肉尚算大隻👌食到一半，侍應攞張下午茶點心紙嚟，早知等多陣食下午茶啦總結：呢度環境係茶餐廳格局，坐位逼狹，冷氣又太大，可取是點心係熱上，但味精太重，咁嘅地方、環境、食物同價錢，絶對有更好嘅選擇！