陳師傅自製點心專門店

營業中

休息中

一向都好鍾意食點心，今日同朋友仔經過尖沙嘴見到間主打「自家製」點心嘅專門店，全日供應，有多款傳統同特色菜。門面好光猛，店內環境整潔，闊落，坐落舒適，見唔少外國人幫襯。沙律明蝦角炸至金黃酥脆，內裏餡料飽滿，配上沙律醬，減低油膩感。鮮蝦上湯水餃，同樣好大粒，皮薄餡靚，性價比高。沙嗲墨魚仔，出面未見過，醬汁惹味，咬落爽口彈牙，值得試。黑椒牛仔骨即叫即整需要等20分鐘左右，牛味突出，肉質軟嫩，調味濃郁。藥膳雞腳份量十足，煮至軟身，養顏滋補。板燒煎釀茄子用鐵板上，咋咋聲，好惹味，適合配飯。