海港酒家

營業中

休息中

今天來到中染新城7樓海港酒家飲茶，一出lift就看到門口逼滿人。我們兩個人，看到顯示螢幕要等八張枱，心想都好快啫....就去攞飛，怎知等了一小時才能入座，幸好玩住手機時間都好快過。我們二人不撘枱，一座低已經有兩位侍應招呼，一位鋪枱，一位沖茶，效率好快。點心選擇好多，我們叫了七碟點心，點心都好吃，最重要是碟碟都好夠熱。葯膳雞腳用上杞子，黨參，紅棗等湯料，煮成湯浸住雞腳。湯好濃好夠味偏咸，雞腳煲到好入味好稔，連骨都是葯材湯的味道。煎米雞一層薄蛋皮代替了荷葉，包住糯米飯，面層有豬肉鬆。好有層次感，糯米飯好足料，有冬菇，蝦米，咸蛋，連蛋皮一齊吃，味道好夾。韮黃蝦腸蝦腸上枱是熱的，腸粉好滑，蝦腸切開有六件，每件都有一隻蝦，但蝦好細粒，5毫字大小黑金流沙包好有藝術感，黑色的包皮上金筆一揮，可惜是有一個包裂開左，流心奶黃滲左出來。三個包好厚，中間流心蛋黃好少，所以不算好流心，但味道都好，包都軟熟小籠包小籠包夠薄，肉好多，沒有肉汁。蒸魚頭最驚喜係有酸薑一齊蒸，魚頭無腥味，鮮味即刻提升左棉花雞有兩件好細舊既雞，兩舊都係骨多無咩肉。冬菇沒有菇味，魚肚偏硬，成個碟都好多油。味道一般，棉花雞水準偏低。