飲茶 (已結業)

之前見報導介紹過有得意點心即刻黎試下，餐廳名仲特登叫「Yum Cha」夠晒玩味～最吸引大家視線嘅一定係呢個流沙包睇住流奶同吉川奶子，一個係奶黃另一個係綠茶，個包外皮好軟熟而流沙部分好熱，所以大家記得咬嗰陣小心Ｄ～兩個比較之下綠茶包味道相對淡，但都係好好食！除左有呢兩款可愛包之外，仲有一籠八戒（叉燒包），叉燒餡好甜Ｄ肉又夠「林」同埋狗不理腸（腸仔包），不過我覺得同普通腸仔包無太大分別～呢度我最欣賞嘅係佢每碟菜都好用心設計，好似龍鬚芥蘭咁，一條菜都切到咁靚，調味又恰到好處，食落勁爽脆！而香菜豆腐就夠晒滑，唔用匙更食唔到～～仲有個蘋果批同棉花糖布甸，無諗過飲茶嘅地方都可以食到呢Ｄ咁特色嘅食物，會唔會太靚啊？呢度真係可以同屋企人，特別係小朋友食，佢地一定好開心!