添好運點心專門店 (已結業)

午餐時份在將軍澳找美食，添好運門外已有客人在等候，原來有些人在等外賣，有些顧客在等入座。今日叫咗幾個點心，一個炒麵和一個燉湯。酥皮焗叉燒包 樣子脹卜卜的，酥皮香脆連包底也有香脆感覺，餡料充足，叉燒帶少少甜，熱辣辣很可口。晶瑩鮮蝦餃 味道不錯，蝦肉爽口彈牙，蝦餃皮真係做到晶瑩通透，好味。黃沙豬潤腸 腸粉滑脫脫，黃沙潤砌成一小塊一小塊，方便食用，今次的豬潤比較硬身但依然好吃。鮑汁鳳爪 好入味，充滿骨膠原，稔中帶爽，越食越想食。豉油王炒麵 炒得好香口，而且還有一碟辣椒醬跟上，加了辣椒醬的炒麵特別可口。燉杏汁白肺湯 就麻麻哋啦，沒有太多杏汁味道 反而好似比較重薑味，不太好飲。