百花漁莊 (已結業)

之前都介紹過灣仔QRE 日本料理，發現再高樓層有間精緻點心火鍋放題。 ❤️ 150分鐘海鮮任食火鍋湯底都幾特別，有藥膳雞湯鍋、蟲草花花膠雞鍋、滿粥鍋、皮蛋香菜鍋、野菌豆乳鍋。雖然粥底火鍋係主打，不過我哋預計會好飽，就揀咗藥膳雞湯鍋同皮蛋香菜鍋。侍應先送上一次性嘅🦐🐟海鮮鮮肉拼盤，有🦐竹串鮮蝦、孔雀鮑魚、帶子、沙巴蜆、百花小魚兒、🥩美國安格斯牛肉同🥓鹿兒島豬豚肉， 水準中上，特別喺鮑魚幾彈牙。除咗火鍋同點心，仲有上海小菜 冰糖醬香鴨 、老上海燻魚 、四喜烤麩， 其中四喜烤麩微甜綿密嚼勁。 丸類齊全，除咗大眾化嘅芝士丸同墨魚丸，仲有手打牛肉丸同豬肉丸，幾濃郁鮮嫩。🥬蔬菜素食類，試咗田園蔬菜籃，包咗冬菇、生菜、油麥菜同娃娃菜。 燒賣同蝦餃大大件，春卷炸得香脆，仲有小籠包、平時散叫貴價嘅灌湯餃、魚肚雞扎都好足料。🥤飲品係自取，汽水、茶同竹蓆茅根。甜品有桂花糕、湯圓、冰粉同黑糖糍粑等，仲有附送一杯雪糕。