影片
更多
2022-08-21
2081 瀏覽
Staycation 有$800 dining credit, 所以黎朝聖一下🤩提供調味料有豉油、豆瓣醬、XO醬🥢黑椒和牛酥 (3粒) $168😋新鮮炸起熱辣辣, 酥皮超級鬆化, 同時食到有淡淡嘅咖喱味, 幾特別, 餡料有濃郁嘅黑椒味, 和牛肉質好軟焾, 整體比較濃味, 不過係濃而不鹹, 超好味👍🥢懷舊罐湯餃 $198😋真正傳統懷舊灌湯餃, 非常飽滿, 漲卜卜, 餃皮薄身, 湯汁鮮甜，饀料有帶子粒、蝦粒、瑤柱, 真正皮薄餡👍🥢帶子紅菜頭餃 (3粒) $118😋餃皮加左紅菜頭汁, 睇落非常吸睛, 餃皮唔算薄身, 不過煙韌彈牙好食, 餡料當然有鮮甜嘅帶子粒同清爽嘅紅菜頭粒, 味道清新鮮甜, 帶子同紅菜頭呢個配搭新奇得嚟都好夾👍🥢蟹肉菠菜餃 (3粒) $108😋餃皮薄身煙韌彈牙好食, 餡料充足, 蟹肉鮮甜, 菠菜清香, 整個配搭都好juicy👍🍨蛋白杏仁茶湯圓 $118杏仁茶幼滑清甜, 不過杏仁味比較淡口, 蛋白可能溶入湯裹面, 所以表面就見唔到, 湯圓係黑芝麻餡, 正正常常🍨雲裳無花果甘露 $148打卡賣相一流😍, 騰雲駕霧好有仙氣🤩, 其實佢同楊枝甘露大同小異, 只不過佢係將芒果轉左做
提供調味料有豉油、豆瓣醬、XO醬
🥢黑椒和牛酥 (3粒) $168😋
新鮮炸起熱辣辣, 酥皮超級鬆化, 同時食到有淡淡嘅咖喱味, 幾特別, 餡料有濃郁嘅黑椒味, 和牛肉質好軟焾, 整體比較濃味, 不過係濃而不鹹, 超好味👍
🥢懷舊罐湯餃 $198😋
真正傳統懷舊灌湯餃, 非常飽滿, 漲卜卜, 餃皮薄身, 湯汁鮮甜，饀料有帶子粒、蝦粒、瑤柱, 真正皮薄餡👍
🥢帶子紅菜頭餃 (3粒) $118😋
餃皮加左紅菜頭汁, 睇落非常吸睛, 餃皮唔算薄身, 不過煙韌彈牙好食, 餡料當然有鮮甜嘅帶子粒同清爽嘅紅菜頭粒, 味道清新鮮甜, 帶子同紅菜頭呢個配搭新奇得嚟都好夾👍
🥢蟹肉菠菜餃 (3粒) $108😋
餃皮薄身煙韌彈牙好食, 餡料充足, 蟹肉鮮甜, 菠菜清香, 整個配搭都好juicy👍
🍨蛋白杏仁茶湯圓 $118
杏仁茶幼滑清甜, 不過杏仁味比較淡口, 蛋白可能溶入湯裹面, 所以表面就見唔到, 湯圓係黑芝麻餡, 正正常常
🍨雲裳無花果甘露 $148
打卡賣相一流😍, 騰雲駕霧好有仙氣🤩, 其實佢同楊枝甘露大同小異, 只不過佢係將芒果轉左做無花果, 而西米就轉左海藻珠珠, 食落都係清新可口, 唔算甜, 不過無花果味唔算突出, 反而唔知點解會食到士多啤梨味
最後奉送的美點雙輝
紅豆椰汁糕
質感Q彈, 椰汁味濃而不甜
合桃酥
鬆化及甜
我哋叫左鐵觀音, 茶錢每位$80
環境舒服, 檯與檯之間極有距離感, 服務到位貼心🥰
點心方面, 無論係色香味都確實真正做到米芝蓮級數, 做到濃而不鹹, 同時又可以發揮到原本食材嘅鮮味, 確實係我哋杯茶👍
魚堅總評
性價比 4.5👍
(以5👍為滿分)
張貼
