一點心 (通菜街)

營業中

休息中

如果我每次一個人到太子，都會入去幫襯佢，差唔多都係例牌，鳳爪排骨飯同牛肉球。但近來星期六星期日及公眾假期，都少去，因為要加壹。同埋有人多幫襯，要等位。呢次兩個人去，食多幾樣嘢。鳳爪排骨飯，鮮竹牛肉球，炸春卷，糯米雞，叉燒餐包，同埋香芒奶皇卷。樣樣都好食，送到餐枱上，樣樣都熱辣辣。脆卜卜。除咗糯米雞同埋盅頭飯外，相信其他三樣都係即做。奶皇卷，凍甜品， 10分美味。茶錢，盛惠每位$6。至於價錢，最近呢幾個月來加咗好多價。其實呢間點心店，由開張直至現在，我都係佢嘅常客，水準還可以保持。