影片
更多
2022-07-03
808 瀏覽
📍 好好點心飲茶專門店•椰子雞煲專賣店個名水蛇春咁長🤣 嗰日🐷媽話要出花墟買花，就係附近食埋飯，想食點心就入咗呢間，裝修古色古鄉，都幾特別！食物都唔差，overall average，性價比唔錯！—————————————————————❣️功夫茶 $10/位好得意嘅過程，由煲水到沖茶都係自己搞掂，不過🐷未到會泡茶嘅年紀，都係等屋企人搞🤣茶好好飲，係唔苦好清甜，但係略嫌個杯真係好細….一啖又要再斟.❣️ 鮮蝦燒賣皇 $32🐷fav酒樓燒賣，一共有4粒，冇平時酒樓咁好食，但蝦味都好鮮香嘅.❣️ 鵪鶉蛋燒賣 🐷第二愛，不過其實淨係鐘意食鵪鶉蛋，嗰日太飽淨係食曬啲鵪鶉蛋，睇嗰樣應該同唐記點心差唔多.❣️黑松露鳳蝦餃 $33呢個唔錯，皮好薄煙韌，蝦好新鮮，黑松露就一般🙈.❣️ 紅米脆皮蝦腸 $36睇相好靚，但上枱嗰陣腸粉打橫嘅，睇唔到餡🫠不過味道唔錯，腸粉滑但厚度左啲啲，餡係油炸鬼啲fd好脆！蝦都彈牙！.❣️ 紅油抄手 $38 有6粒，醬油唔太辣，而咬落口感不錯！.❣️ 菜乾豬骨粥 $26粥冇乜味，似係咁易用白粥煮幾下咁，不過🐷公司樓下嗰碗仲難食，呢碗都仲可以接受.❣️ 炸雲吞 $32宜家酒樓好小有得嗌，🐷媽
📍 好好點心飲茶專門店•椰子雞煲專賣店
個名水蛇春咁長🤣 嗰日🐷媽話要出花墟買花，就係附近食埋飯，想食點心就入咗呢間，裝修古色古鄉，都幾特別！食物都唔差，overall average，性價比唔錯！
—————————————————————
❣️功夫茶 $10/位
好得意嘅過程，由煲水到沖茶都係自己搞掂，不過🐷未到會泡茶嘅年紀，都係等屋企人搞🤣茶好好飲，係唔苦好清甜，但係略嫌個杯真係好細….一啖又要再斟
.
❣️ 鮮蝦燒賣皇 $32
🐷fav酒樓燒賣，一共有4粒，冇平時酒樓咁好食，但蝦味都好鮮香嘅
.
❣️ 鵪鶉蛋燒賣
🐷第二愛，不過其實淨係鐘意食鵪鶉蛋，嗰日太飽淨係食曬啲鵪鶉蛋，睇嗰樣應該同唐記點心差唔多
.
❣️黑松露鳳蝦餃 $33
呢個唔錯，皮好薄煙韌，蝦好新鮮，黑松露就一般🙈
.
❣️ 紅米脆皮蝦腸 $36
睇相好靚，但上枱嗰陣腸粉打橫嘅，睇唔到餡🫠不過味道唔錯，腸粉滑但厚度左啲啲，餡係油炸鬼啲fd好脆！蝦都彈牙！
.
❣️ 紅油抄手 $38
有6粒，醬油唔太辣，而咬落口感不錯！
.
❣️ 菜乾豬骨粥 $26
粥冇乜味，似係咁易用白粥煮幾下咁，不過🐷公司樓下嗰碗仲難食，呢碗都仲可以接受
.
❣️ 炸雲吞 $32
宜家酒樓好小有得嗌，🐷媽見到一定嗌，即炸熱辣辣，原粒蝦仁，好脆，餸粥一流
.
同平時酒樓食開既差唔多：
❣北菇棉花雞 $28
❣️黑椒金錢肚 $33
❣️蝦餃 $32
大大粒！
❣️醬皇蒸鳳爪 $25
🐷爸話好食
❣️白灼油菜心 $20
好綠，冇渣，新鮮！甜！
❣️鳳爪排骨飯 $29
蒸飯啲飯真係好好食🫶🏻
—————————————————————
不專業評分
👅好味指數:7/10
💰性價比:8/10
👍🏻推薦:7/10
—————————————————————
🏡地址: 好好點心飲茶專門店•椰子雞煲專賣店 (太子)
旺角西洋菜南街242號地舖
—————————————————————
張貼
