影片
更多
2017-04-03
2388 瀏覽
飲茶就飲得多，但平時多數係屋村酒樓度食。今日家姐興起話要出城食新派點心，帶我同媽咪見識下。呢度主打係食龍蝦，午市都有幾多創意龍蝦點心可以試下。大龍蝦春捲＄７９平時食得多麵粉春卷／蝦肉春卷，大龍蝦春卷真係未試過。係用龍蝦整既，難得出城要試下。餡料有菜有龍蝦肉有菇，皮又薄又脆；龍蝦肉真係大大粒咁釀左o係入面，d肉爽爽脆脆，好有口感。（圖左）即拉海蝦腸＄６９呢個海蝦腸係即拉既，個皮同平時食個D 好唔同，比一般厚，佢個粉漿開得好軟好滑，好得意。海蝦勁大隻，新鮮架，好正。（圖右）泉蛋蒸蘿蔔＄５９可能睇得唔清楚，呢個蘿蔔中間有隻溫泉蛋架。下面係蘿蔔糕黎，幾結實；上面既醬油同薄脆好夠味，特別係Ｄ薄脆，咸咸地，好好味。即拉叉燒腸＄５９無錯，係叫左兩碟腸粉，海蝦腸同叉燒腸二揀一揀唔落手索性叫哂兩碟。叉燒都幾大粒，塞到個腸粉漲卜卜；個叉肥偏甜，半肥瘦，幾好味。黑松露芋角＄４９（三件）一碟三粒，都幾大粒，一上台已經聞到黑松露既味。芋角炸得好鬆脆，餡料既味道淡淡地，無搶左Ｄ黑松露味。菠菜皮燒賣＄４９（四件）呢碟燒賣個皮係綠色既，因為佢用菠菜整既，食起上黎無話太大變化。不過燒賣值得一提既係佢真係落左好多蟹籽，我
呢度主打係食龍蝦，午市都有幾多創意龍蝦點心可以試下。
大龍蝦春捲＄７９平時食得多麵粉春卷／蝦肉春卷，大龍蝦春卷真係未試過。係用龍蝦整既，難得出城要試下。餡料有菜有龍蝦肉有菇，皮又薄又脆；龍蝦肉真係大大粒咁釀左o係入面，d肉爽爽脆脆，好有口感。
（圖左）即拉海蝦腸＄６９呢個海蝦腸係即拉既，個皮同平時食個D 好唔同，比一般厚，佢個粉漿開得好軟好滑，好得意。海蝦勁大隻，新鮮架，好正。
（圖右）泉蛋蒸蘿蔔＄５９
可能睇得唔清楚，呢個蘿蔔中間有隻溫泉蛋架。下面係蘿蔔糕黎，幾結實；上面既醬油同薄脆好夠味，特別係Ｄ薄脆，咸咸地，好好味。
即拉叉燒腸＄５９無錯，係叫左兩碟腸粉，海蝦腸同叉燒腸二揀一揀唔落手索性叫哂兩碟。
叉燒都幾大粒，塞到個腸粉漲卜卜；個叉肥偏甜，半肥瘦，幾好味。
黑松露芋角＄４９（三件）一碟三粒，都幾大粒，一上台已經聞到黑松露既味。芋角炸得好鬆脆，餡料既味道淡淡地，無搶左Ｄ黑松露味。
菠菜皮燒賣＄４９（四件）呢碟燒賣個皮係綠色既，因為佢用菠菜整既，食起上黎無話太大變化。不過燒賣值得一提既係佢真係落左好多蟹籽，我未見過比呢個更多蟹籽既燒賣，哈哈。豬肉既部分幾彈牙，加埋Ｄ蟹籽真係口感一流。
蔥花手抓餅＄３９（兩件）蔥花手抓餅，絕對係重蔥，手抓餅煙煙韌韌，好有草青味。
真係好多花款，真係一分錢一分貨，久唔久試下都唔錯。
張貼
