影片
更多
2008-08-27
144 瀏覽
吃東西, 好多時都一輪輪的. 吃上好東西, 成日都會想再去. 最近一個月就去了三次福臨門.福臨門這酒家, 直至最近, 於我有如富臨阿一, 印象是門口都泊著名貴靚車, 是明星名流們經常進出的飯店, 服務跟客人名氣和疏爽程度成正比. 對於一些名店, 或許會說人一世, 物一世, 好醜幾貴也要試一次, 不過對我來講, 酒家無論幾出名, 如果係服務高竇或食物超不所值的, 就點都唔會貿然去.一口氣食左福記 (尖沙咀及灣仔) 三次點心, 緣於有幸, 在之前港大校友會飯局, 食友們講開點心, 說到福臨門的好吃, 特別是從經驗食友口中得悉, 福記服務甚佳, 飲茶也不太貴的, 每位二百左右已可搞掂. 咦, 同一向的印象大不同播 ! 咪同去間好的日本餐廳吃午飯預算差不多, 而且隨時會撞到名人藝人, 或者拿到個偶像簽名, 就乜都抵晒啦. 於是, 十分喜歡飲茶的我, 第二天便訂位跟太太去了.第一次去這名店的灣仔店, 餐桌寬敞食具乾淨, 茶香濃, 點心熱辣辣, 用料烹調固然新鮮味美, 侍應服務也適當到位, 夠細心又效率高. 感覺實在舒服, 既知九龍亦有分店, 所以一不做, 二不休, 食完第一次, 食得很滿意
福臨門這酒家, 直至最近, 於我有如富臨阿一, 印象是門口都泊著名貴靚車, 是明星名流們經常進出的飯店, 服務跟客人名氣和疏爽程度成正比. 對於一些名店, 或許會說人一世, 物一世, 好醜幾貴也要試一次, 不過對我來講, 酒家無論幾出名, 如果係服務高竇或食物超不所值的, 就點都唔會貿然去.
一口氣食左福記 (尖沙咀及灣仔) 三次點心, 緣於有幸, 在之前港大校友會飯局, 食友們講開點心, 說到福臨門的好吃, 特別是從經驗食友口中得悉, 福記服務甚佳, 飲茶也不太貴的, 每位二百左右已可搞掂. 咦, 同一向的印象大不同播 ! 咪同去間好的日本餐廳吃午飯預算差不多, 而且隨時會撞到名人藝人, 或者拿到個偶像簽名, 就乜都抵晒啦. 於是, 十分喜歡飲茶的我, 第二天便訂位跟太太去了.
第一次去這名店的灣仔店, 餐桌寬敞食具乾淨, 茶香濃, 點心熱辣辣, 用料烹調固然新鮮味美, 侍應服務也適當到位, 夠細心又效率高. 感覺實在舒服, 既知九龍亦有分店, 所以一不做, 二不休, 食完第一次, 食得很滿意 便馬上再約友人往尖沙咀店食埋佢. 接著第三次就再同家人去. 現在依然心思思, 可能很快就會番食第四餐點心餐架喇 ! 晚飯嘛, 以福記價位, 其他好吃選擇實在多, 人少少自己唔會去, 待有食友搞局, 可一次吃多 d 菜色, 或遇到貴人先去啦 !
福臨門乃香港其中一家最高級酒樓之一, 點心當然賣得貴, 約要五十元一碟或一籠, 不過以其酒樓整體水準, 屬合理的價格. 吃過的點心, 全部都很好, 當中, 最推薦叉燒包, 蜆介菱魚球 (這期香港店才有), 芋角, 蝦餃. 點心也是可以逐粒加的, 即是話, 如果四個人去, 要食一籠三粒的點心, 大可柯打加一粒, 就唔會發生讓黎讓去或兩人分一件的情況. 來這裡吃點心, 最緊要係要有時間, 慢慢嘆, 慢慢坐, 在自在的環境裏享受香茶, 然後與親朋閒談一番, 也要讓點心慢慢上, 細嘗食味, 細賞其工. 千萬不要在這裡安排上班中的倉促友人午局呀.
與侍應閒聊數句, 也覺他們工作很投入的, 對酒家頗有歸屬感, 亦講出他們老闆是堅持用最好的料做最好質素的點心, 所以沒法不賣貴一點. 侍應們都開開心心的, 服務由心而發, 不亢不卑, 殷勤體貼.
尖沙咀及灣仔兩店的午市點心都吃過了, 食物與服務兩店不相伯仲, 一樣禁正. 尖沙咀的店更寬敞一些, 去的那天是閒日, 只坐滿一半檯, 所以一點不嘈吵, 很舒適.
還有後話, 尖沙咀福記, 門口個知客 IQ 同認人記姓好犀利, 我果日行埋去, 唔駛出聲, 佢都說: "係咪papanana留位架 ?" 佢又未見過我, 真係唔知佢點估得到, 莫非上面全係孰客訂了檯, 凈得一張生保檯 問佢又只係笑笑口.
走時, 落左樓, 一行到門口, 佢就對我個 fd 說: "你架車 lor 緊黎架喇 !" 真係勁到暈 !
張貼
