影片
更多
2019-08-24
213 瀏覽
中環作為OL嘅集中地💃🏼，餐廳應該要保持一定嘅新鮮感和水準先可以係呢個競爭環境下生存。今個weekend 同媽咪係中環做完運動，就想趁住辦公室放假去一試中環區嘅餐廳，去享受比平時多一份寧靜嘅中環。媽咪獨愛中菜，亦喜歡飲茶呢個傳統嘅中國文化，所以我决定帶媽咪試下中環加州大廈開業了一段時間嘅🏮•紅樓•🏮餐廳主打新派中菜，打破你對點心嘅傳統形象，以更加新穎和精緻嘅形式呈現在你眼前。餐廳以紅色作為主調，配上中西融合的設計。坐落於加州大廈23樓，景觀十分開揚。餐廳週末會推出weekend brunch $288/一位 點心任食嘅promotion 🎉Weekend brunch 包括嘅食物種類都算多。如果各位想再chill d 仲可以加錢任飲紅白酒、汽水、特色冰茶等。我同媽咪就冇join 到個weekend brunch，我地决定散叫，自由度好似大啲開心啲🙈，中意食咩就叫咩茶芥每位$15。我地叫左普洱茶，可惜茶味不足，浸左一段時間都覺得同滾水冇乜分別，有少少失望。香檳金蝦餃 $52呢個蝦餃以紅菜頭汁染成粉紅色，加上一抹香檳金作為點綴，賣相十分精緻。蝦餃皮厚薄適中，蝦肉十分爽口彈牙，再配上筍
今個weekend 同媽咪係中環做完運動，就想趁住辦公室放假去一試中環區嘅餐廳，去享受比平時多一份寧靜嘅中環。
媽咪獨愛中菜，亦喜歡飲茶呢個傳統嘅中國文化，所以我决定帶媽咪試下中環加州大廈開業了一段時間嘅🏮•紅樓•🏮
餐廳主打新派中菜，打破你對點心嘅傳統形象，以更加新穎和精緻嘅形式呈現在你眼前。
餐廳以紅色作為主調，配上中西融合的設計。
坐落於加州大廈23樓，景觀十分開揚。
餐廳週末會推出weekend brunch $288/一位 點心任食嘅promotion 🎉
Weekend brunch 包括嘅食物種類都算多。如果各位想再chill d 仲可以加錢任飲紅白酒、汽水、特色冰茶等。
我同媽咪就冇join 到個weekend brunch，我地决定散叫，自由度好似大啲開心啲🙈，中意食咩就叫咩
茶芥每位$15。
我地叫左普洱茶，可惜茶味不足，浸左一段時間都覺得同滾水冇乜分別，有少少失望。
香檳金蝦餃 $52
呢個蝦餃以紅菜頭汁染成粉紅色，加上一抹香檳金作為點綴，賣相十分精緻。蝦餃皮厚薄適中，蝦肉十分爽口彈牙，再配上筍尖，美味可口✨
瑤柱菜苗餃 $42
晶瑩通透嘅水晶餃皮，食落煙煙韌韌。餡料略帶肉汁、食落鹹鹹地，略嫌食唔出瑤柱嘅鮮甜之味。
流心紫蕃薯 $42
新鮮炸起，小心燙口。🔥
紫蕃薯外皮炸得不算太脆，餡料流心，但紫薯味如果可以再濃郁啲就好。
珍菌松露球 $48
呢個我係見到有唔少食評推介所以先至會叫。珍菌松露球感覺似高級版嘅雷沙湯丸同埋鹹水角嘅混合體。表面的黑芝麻十分香，軟嫩酥香嘅糯米包裹着野菌和豬肉餡並帶有淡淡嘅松露味，風味十分獨特。
即燒脆皮燒鵝 $128
燒鵝嘅靈魂燒鵝皮略脆，不是一口就可以咬開，可以有進步嘅空間。燒鵝肥瘦適中，鵝肉尚算嫩滑，肉質吸盡醬汁精華。
土魷肉餅蒸荷葉飯 $138
呢個蒸飯加入左大量嘅蝦肉落肉餅度，雖然令到肉餅入口更加彈牙，但卻蓋過土魷嘅味道，有啲喧賓奪主嘅感覺。
總體感覺餐廳定價略貴，點心尚算有特色，有驚喜俾到我地。以飲茶來講，餐廳環境非常賞心悅目，能夠透過差唔多落地嘅大玻璃黎欣賞中環嘅景色同埋藍藍嘅天空。另外，佢比傳統嘅茶樓少左一份繁囂，可以更加專注同三五知己把茶談天。
張貼
