尚苑京滬川菜 (已改名) 查看

假日最鐘意去飲荼，今日係尖東搵左間酒樓，位置都幾方便，食完又可以去尖沙咀行街。萵荀蝦餃皇飲茶必食既蝦餃，呢到加入左萵荀，食落更有咬口。蝦肉爽口彈牙，皮薄，仲加左D金箔，睇落更可口。原隻鮮蝦燒賣皇鮮蝦原隻咁放係燒賣上面，好足料，入面既豬肉餡都好食。田園甘荀咸水角呢個好特別，就咁睇係甘荀，差D唔記得自己叫左咩。原來係咸水角，十分精緻。椒鹽九肚魚平時要去大排檔先食到，估唔到呢到有得當小食咁叫，2人食岩岩好。炸得香脆，魚肉鮮嫩。黑金流沙奶皇包餡料味道十足，有濃郁既奶香同埋蛋黄味。面包質感入口軟棉。紅米荷香珍珠雞加入紅米既珍珠雞，食落更健康，荷葉味都好突出。