影片
更多
2010-04-16
87 瀏覽
今日去尖東做野, 到差不多lunch時間, 黎左彩晶軒飲茶~ 感覺呢間酒樓裝修非常靚, 好華麗, 我入到去直頭 "嘩!" 左一聲~ 果然係俾人擺酒用喎~ 叫左幾個點心試下:咸水角 ($8)新鮮炸好, 上台仲係熱辣辣, 出哂煙, 所以唔會覺得佢油膩~ 呢個炸物既皮都算薄, 所以都唔會吸好多油. 個皮既厚度同入面既餡成正比, 所以入面唔會令人覺得好空洞~ size大細岩岩好, 好味!韓江欖菜小粉果 ($8)咁平, 唔叫真係對唔住自己! 雖然每隻細細粒但都有4隻, 所以都好抵~ 個粉果皮非常薄 (如紙般), 而且晶瑩剔透, 可以睇到佢入面既餡料, 而家好多酒樓都做唔到架喇. 你知啦, 皮厚真係好難食, 吞都吞唔落架~ 雖然皮薄, 但唔會易穿, 唔怕一夾就爛, 十分好~ 餡料就同平時食既粉果一樣, 但就係冇左花生, 所以無野咬, 有d唔慣, 但他料好夾, 而且唔膩, 可以食多幾個.迷你玉米四季豆欖菜炒飯 ($32)呢個係咁多樣野入面最唔掂, 因為太油喇, 成口油既感覺唔多好, 又唔健康, 見到d閃閃生光既飯即時唔想食~ 食落就發現炒得唔夠大鑊氣, 但d料就好足. 一般啦~蝦餃 ($25)蝦餃
叫左幾個點心試下:
咸水角 ($8)
新鮮炸好, 上台仲係熱辣辣, 出哂煙, 所以唔會覺得佢油膩~ 呢個炸物既皮都算薄, 所以都唔會吸好多油. 個皮既厚度同入面既餡成正比, 所以入面唔會令人覺得好空洞~ size大細岩岩好, 好味!
韓江欖菜小粉果 ($8)
咁平, 唔叫真係對唔住自己! 雖然每隻細細粒但都有4隻, 所以都好抵~ 個粉果皮非常薄 (如紙般), 而且晶瑩剔透, 可以睇到佢入面既餡料, 而家好多酒樓都做唔到架喇. 你知啦, 皮厚真係好難食, 吞都吞唔落架~ 雖然皮薄, 但唔會易穿, 唔怕一夾就爛, 十分好~ 餡料就同平時食既粉果一樣, 但就係冇左花生, 所以無野咬, 有d唔慣, 但他料好夾, 而且唔膩, 可以食多幾個.
迷你玉米四季豆欖菜炒飯 ($32)
呢個係咁多樣野入面最唔掂, 因為太油喇, 成口油既感覺唔多好, 又唔健康, 見到d閃閃生光既飯即時唔想食~ 食落就發現炒得唔夠大鑊氣, 但d料就好足. 一般啦~
蝦餃 ($25)
蝦餃皮同粉果皮一樣咁靚, 咁薄, 見到哂隻蝦. 蝦非常新鮮, 好彈牙, 好香, 非常好味~ 每隻都係細細隻, 所以非常易入口.
菠蘿叉燒餐包 ($20)
賣相非常吸引, 試諗下有3個金黃色既包size岩岩好放入一個淡色滕織籃到, 然後放上台, 係非常之靚. 最重要係味道一流. 上面既菠蘿皮唔會一咬就同個包分身, 相反, 仲會癡住個包. 仲有, 個菠蘿皮好脆, 而且甜味適中, 唔會有好 "漏". 個包上台個時仲係熱, 加上細細個, 入面都full of餡, 所以成個包放入口個刻俾到人一種滿足. 推介!
蜆介鯪魚球 ($19)
一睇就知佢炸得好耐因為顏色幾深下~ 每粒都大大粒, 放入口一咬, 有驚喜~ 鯪魚球唔係死實實個d, 唔係可以當做子彈打得死人個d, 相反, 非常有彈性, 軟軟既, 唔似其他酒家個d咁~ 加上佢serve個時新鮮炸起熱辣辣, 真係要食多幾粒~ 可惜個sauce冇蜆肉既, 呃人!
牛腸($20)
皮薄餡靚. 腸粉皮薄, 加上牛肉好滑, 一入口有即時融化之感覺, 而且豉油鹹甜適中, 美味~
總括而言: 地方裝修靚又乾淨, 客人唔係好嘈吵, 環境不錯, 食物上台速度非常快而且新鮮熱辣, 侍應有叫必答, 態度不錯, 呢間酒樓係飲茶既好選擇~
張貼
