影片
更多
2020-12-07
494 瀏覽
『蒸廬』食點心要好食已經可貴，要好食又要有良心就更難能可貴。紅磡 蒸廬 係佢哋第一間分店，今日星期日中午1點去到，門口都唔少人第緊外賣。門口有自動取票機，等咗5分鐘就入得喇。坐位唔算好多，舖位係L字形，望入廚房見到都幾多後生仔👍🏻👍🏻加油年青人！呢度主打手工即製點心、原盅燉湯同埋荷葉蒸飯。一輪狂點猛剔，2個人叫咗10樣嘢，眼闊肚窄，食到最後真係好辛苦😂見到台台都有嗌燉湯，就嗌咗呢一款花膠蟲草花栗子燉土雞湯試吓。湯料幾多，飲落幾清應該冇加味精，而且少油，抵讚。不過我搵嚟搵去都唔見有花膠，但有些少螺片。春卷入口好香蒜味，個皮夠薄同脆。蝦餃大大粒，熱辣辣。皮薄，蝦肉爽口新鮮又大隻，抵食啊。燒賣上枱時我同男朋友都嘩左聲，真係粒粒都好肥仔飽滿，蝦肉豬肉比例都唔錯，又係抵食必嗌！煎蝦米腸食落香口，附上麻醬甜醬同自家調製嘅豉油，邪惡之選！菜苗餃亦係我飲茶必嗌嘅點心。翠綠嘅菜苗帶自然甜味，配埋爽口蝦仁，煙韌嘅餃皮，值得試下啊。鳳爪已經係一咬就脫骨，醬汁入味，都唔錯。牛柏葉唔醒，底下墊左豆卜，清清地都幾好食，不過我覺得牛柏葉都係配蠔油或者沙爹汁好食啲🥴其實仲嗌左上湯娃娃菜同埋鮮竹卷，但係實在太飽喇，最後
食點心要好食已經可貴，要好食又要有良心就更難能可貴。紅磡 蒸廬 係佢哋第一間分店，今日星期日中午1點去到，門口都唔少人第緊外賣。門口有自動取票機，等咗5分鐘就入得喇。
坐位唔算好多，舖位係L字形，望入廚房見到都幾多後生仔👍🏻👍🏻加油年青人！
呢度主打手工即製點心、原盅燉湯同埋荷葉蒸飯。
一輪狂點猛剔，2個人叫咗10樣嘢，眼闊肚窄，食到最後真係好辛苦😂
花膠蟲草花栗子燉土雞
$60
10 瀏覽
0 讚好
0 留言
見到台台都有嗌燉湯，就嗌咗呢一款花膠蟲草花栗子燉土雞湯試吓。湯料幾多，飲落幾清應該冇加味精，而且少油，抵讚。不過我搵嚟搵去都唔見有花膠，但有些少螺片。
蒜香鮮蝦春卷
$30
13 瀏覽
0 讚好
0 留言
春卷入口好香蒜味，個皮夠薄同脆。
晶瑩蝦餃王
$33
13 瀏覽
0 讚好
0 留言
蝦餃大大粒，熱辣辣。皮薄，蝦肉爽口新鮮又大隻，抵食啊。
蟹子燒賣王
$30
3 瀏覽
0 讚好
0 留言
燒賣上枱時我同男朋友都嘩左聲，真係粒粒都好肥仔飽滿，蝦肉豬肉比例都唔錯，又係抵食必嗌！
瑤柱蝦米煎腸粉
$30
7 瀏覽
0 讚好
0 留言
煎蝦米腸食落香口，附上麻醬甜醬同自家調製嘅豉油，邪惡之選！
鮮蝦菜苗餃
$30
5 瀏覽
0 讚好
0 留言
菜苗餃亦係我飲茶必嗌嘅點心。翠綠嘅菜苗帶自然甜味，配埋爽口蝦仁，煙韌嘅餃皮，值得試下啊。
XO秘醬蒸鳳爪
$26
10 瀏覽
0 讚好
0 留言
鳳爪已經係一咬就脫骨，醬汁入味，都唔錯。
薑蔥牛柏葉
$33
7 瀏覽
0 讚好
0 留言
牛柏葉唔醒，底下墊左豆卜，清清地都幾好食，不過我覺得牛柏葉都係配蠔油或者沙爹汁好食啲🥴
其實仲嗌左上湯娃娃菜同埋鮮竹卷，但係實在太飽喇，最後打包😂待應妹妹態度都好好，驚我哋打包會倒瀉啲上湯，主動幫我拎入廚房搞掂👍🏻👍🏻
總括嚟講，蒸點好出色，湯係無添加都飲得過。臨走見隔離枱叫左個肉餅荷葉蒸飯，非常巨型！😂下次嚟都可以試下。
另外，呢度全日免+1， 星期六日每位都係茶介加$4，收費好合理。💛💛
張貼
