桃里

營業中

休息中

今日有事要出尖沙咀東，本來諗住去九龍香格里拉酒店香宮食中午飯，點知full晒！之後再打電話去問天外天又full晒！結果諗一諗，好耐之前同朋友試過桃里，結果打電話去問，有位！即刻去試吓！呢間酒店中餐廳，位於尖沙咀新世界千禧酒店，位置有少少偏遠，但估唔到質素有驚喜！去到睇見餐牌，只有點心單叫和點心buffet選擇，睇見一籠蝦餃都80幾蚊，冇理由唔食buffet，諗住buffet嘅質素會差啲，結果都係每籠即叫即蒸，估唔到質素都好好！蝦餃，皮薄裏面好實淨，真係好唔錯！鮑汁鳳爪又幾好！而且會因應人數，每次份量唔會好多，好適合可以試好多種不同的款式！一次過試咗蝦餃、燒賣、齋粉果、椒鹽雞軟骨、芝士蝦春卷、牛肉球等等！除咗蝦餃同其他款式都出色之外，佢嘅灌湯餃都好好！而且環境亦都好舒服！又唔會多人！始終係酒店環境，計埋個價錢！非常合理！下次會再幫襯！