影片
更多
2015-07-13
1078 瀏覽
從雜誌睇過ISEE iSEE嘅報導，啲雪條嘅賣相超吸晴，色彩繽紛，又以新鮮水果入饌，無添加，無色素，所以，同朋友到銅鑼灣食韓烤，就順道過嚟ISEE iSEE感受一下冰涼透心嘅天然原味，為炎夏消消暑 。鋪面一室潔白，因為採開放式設計，所以，晌鋪外都已經睇到整間鋪嘅環境，內有數張高椅，坐晌對街嘅一排，更可睇睇街上遊人，發覺，香港人真喺行得超快。進到店內，裝修簡約平實，光猛整潔；部份角落，又以盆栽或鮮花點綴，清新優雅。中間就放置咗一部大雪櫃，五顏六色、繽紛吸引嘅雪條就分類放晒晌裡面 ，是日所見，共有7款口味，定價為$38至$42。其實，近門口亦有一個以雪條棍形所做嘅水牌，羅列多款口味，除手工雪條外，店內仲有刨冰提供，名為北海道牛奶初雪（$58），皆因全以北海道特選3.6牛乳製作。小弟此行只為雪條，初雪就未有品嚐！ 芝身野紅莓（Cheesy Raspberry） $42 友人揀咗芝士搭野紅莓嘅口味，奶白嘅芝士味雪條主體，加入紅野莓打成嘅果肉，強烈對比嘅色澤已經有種先聲奪人嘅感覺。對比十分奪目誘人。友人對此讚不絕口，因為芝士味香得嚟唔太搶，口感柔滑，而紅野莓嘅酸又平衡返啲芝士味，質感
鋪面一室潔白，因為採開放式設計，所以，晌鋪外都已經睇到整間鋪嘅環境，內有數張高椅，坐晌對街嘅一排，更可睇睇街上遊人，發覺，香港人真喺行得超快。
進到店內，裝修簡約平實，光猛整潔；部份角落，又以盆栽或鮮花點綴，清新優雅。中間就放置咗一部大雪櫃，五顏六色、繽紛吸引嘅雪條就分類放晒晌裡面 ，是日所見，共有7款口味，定價為$38至$42。
其實，近門口亦有一個以雪條棍形所做嘅水牌，羅列多款口味，除手工雪條外，店內仲有刨冰提供，名為北海道牛奶初雪（$58），皆因全以北海道特選3.6牛乳製作。小弟此行只為雪條，初雪就未有品嚐！
芝身野紅莓（Cheesy Raspberry） $42 友人揀咗芝士搭野紅莓嘅口味，奶白嘅芝士味雪條主體，加入紅野莓打成嘅果肉，強烈對比嘅色澤已經有種先聲奪人嘅感覺。對比十分奪目誘人。友人對此讚不絕口，因為芝士味香得嚟唔太搶，口感柔滑，而紅野莓嘅酸又平衡返啲芝士味，質感冰涼 。唯一要挑剔，就喺紅野莓只得一面，食得唔夠喉。
芝身野紅莓
$42
45 瀏覽
0 讚好
0 留言
芝身野紅莓
30 瀏覽
0 讚好
0 留言
小弟就想試充滿果汁感嘅手工鮮果雪條，大熱天時，所以，以清新為賣點嘅奇異果口味，就啱我心水。結晶較幼細，入口幼滑綿密，點點酸，好醒神，極富奇異果天然香味 。
清新奇異果
$38
42 瀏覽
0 讚好
0 留言
清新奇異果
28 瀏覽
0 讚好
0 留言
張貼
