陸陸雞煲火鍋 (已結業)

天氣咁凍，最佳取暖方法梗係要打邊爐。去到陸陸雞煲，一個火鍋海鮮套餐有兩個煲慢慢食，相當抵食!先有熱辣辣嘅雞煲，選取左BB辣，加上大量薑蔥、乾蔥等配料，上枱時候已經係香氣滿分，流晒口水; 而每件雞件都係嫩滑無比，絕對唔會有老火肉質粗劣感覺。加上配以惹味雞煲醬汁，淨係食呢個煲已經夠晒正!接著有原隻龍蝦湯底，加上玉米、蕃茄等配料，淨飲一啖湯底都鮮甜無比，而龍蝦因為份量大，所以龍蝦肉都非常厚身，白淨嘅蝦肉充滿海鮮鮮甜味度，肉質又夠結實。而呢個海鮮拼盤當然唔可以錯過，有蟶子、鮑魚、廣島蠔、海蝦等等，淨係賣相都夠吸引，廣島蠔有豐盈海鮮味道，即使煮熟透後，仍然極有食生蠔嘅感覺; 海蝦非常生猛，煮熟後蝦膏滿滿，蝦肉鮮甜，一人食多幾隻都不成問題; 而鮑魚咁矜貴，加上龍蝦湯底，更可提升鮮味呈度，最吸引嘅係滑嫩嘅群邊，質感非常獨特。而肉類方面亦唔可以錯過，美國肥牛、豬肉片當然會有供應啦。肥牛脂肪比例非常平均，入口時候當然會更香滑，肉質亦都濃郁; 而豬肉片亦都出色，肉質帶有豬肉嘅爽勁，再吸收湯底精華，基本上唔需要醬汁，都已經夠晒美味。手打丸類亦係呢度嘅招牌菜之人，墨丸、豬肉丸、牛丸通通都係手打而成，用料當然會