創發潮州飯店

營業中

休息中

一入餐廳問個阿姐侍應取餐牌，佢話無餐牌，叫我睇下牆上的菜。我想食卤水鵝，但見唔到牆上有寫，就問佢幾錢，佢答我例牌$150，其實有少少貴，但我鍾意食，所以就叫啦！一食，覺得好咸，同埋卤水鵝點解無皮嘅？d皮去咗邊？蠔餅又係牆上無寫明的，問佢先答我$80。我去其他地方食有莞茜和胡椒粉，香好多，這裡的蠔餅，無乜特別人。我見到牆上有個炸拼盤$120，問佢咩嚟？佢話有蝦棗、蟹棗和蘿蔔糕，ok咁試下啦。我見到個阿姐在雪櫃攞了6粒東西，然後拿入廚房處理。上碟共有6粒東西，沒有賣相可言，味道都正常，但數量少，都算貴。飯後不斷問我哋食唔食甜品？我哋話唔洗，因為諗住去九龍城另一間甜品店食。好彩咋！睇返呢度食評先知呢度原來甜品要$30-40。埋單$350，可能我哋係全日最低消費額嘅客人。點菜一定要問幾錢。各位如想試下俾人劏係咩滋味，即管試下。