影片
更多
2009-08-06
21 瀏覽
上星期諗住同老婆慶祝生日, 食返餐特別啲既嘢. 見到上期新HOLIDAY 介紹呢間店, 好似幾抵食咁, 另外好幾年前去過逸東酒店食自助餐, 幾OK, 諗住都會有啲高質素嘢食吓咁喇, 點知期望過高, 兼且唔夠飽, 好慘... BAD:1) 佢哋响 FACEBOOK, TWITTER 做緊個SPECIAL PROMO, 不過填完資料冇人覆, 我都見到有人話佢冇回電話覆, 啲STAFF 解釋話好忙睇唔切咁.... 佢個PROGRAM 係外部連結, 我啲個人資料都唔知飛咗去邊....... 晒嘴.....2) 初頭睇佢話DINNER SET 都有買一送一, 咁就豪啲, 食個最貴既SET A 喇, 睇落好多嘢食咁架, 點知出事.......3) 前菜麻麻, 啲湯超清超淡, 啲刺身又細件又冇乜味.....4) 到主角M5和牛喇 --- 條薑食唔落, 件牛就唔似網燒, 仲要燒得幾燶(雖然食落冇燶味), 但啲味道同街邊日式午餐店啲質素差唔多, SORRY 我食唔出咩分別...... 仲有呢, 乜原來咁細份量........5) 咁啱好唔開心地食完, 有個WAITER 拎個牙籤盒出黎 (即係咩意思
BAD:
1) 佢哋响 FACEBOOK, TWITTER 做緊個SPECIAL PROMO, 不過填完資料冇人覆, 我都見到有人話佢冇回電話覆, 啲STAFF 解釋話好忙睇唔切咁.... 佢個PROGRAM 係外部連結, 我啲個人資料都唔知飛咗去邊....... 晒嘴.....
2) 初頭睇佢話DINNER SET 都有買一送一, 咁就豪啲, 食個最貴既SET A 喇, 睇落好多嘢食咁架, 點知出事.......
3) 前菜麻麻, 啲湯超清超淡, 啲刺身又細件又冇乜味.....
4) 到主角M5和牛喇 --- 條薑食唔落, 件牛就唔似網燒, 仲要燒得幾燶(雖然食落冇燶味), 但啲味道同街邊日式午餐店啲質素差唔多, SORRY 我食唔出咩分別...... 仲有呢, 乜原來咁細份量........
5) 咁啱好唔開心地食完, 有個WAITER 拎個牙籤盒出黎 (即係咩意思, 話畀我知真係"攝牙隙"??)(定係叫我埋單走得? 我仲未食甜品喎)
6) 食完啲唔夠飽既嘢, 等咗好耐啲侍應都唔識自動上埋甜品, 有個 SENIOR 叫過喇, 不過個侍應冇咗件事..... 唯有我親自出聲提佢哋喇......
(見到我揸住部相機左影右影, 做服務員都唔醒少少, 即係冇HEART 又唔CARE喇... 我原本都唔想寫出黎.)
7) 啲茶好淡, 可能個侍應後尾聽到, 識得換過杯濃味啲既~
8) 個冷氣開得好凍, 後尾叫咗個侍應閂細咗, OK~
GOOD:
1) 餐廳包裝幾好, 個 WEBSITE 同啲雜誌形象都OK~ (連筷子套, 牙籤, 同STAFF 制服都有LOGO)
2) 啲裝修都好好, 有啲特色茶杯同自家製清酒~
3) 甜品幾好, 問咗個侍應試埋一款B 餐既甜品, 攞返些少分數, 不過都補唔返啲負分喇~
4) 加一只收一份
老婆COMMENT:
算啦~ 叫做試過~
如果叫d唔同款, 感覺可能無咁差~ 係佢d 價錢定得差啦~
最後COMMENT:
門面嘢一流, 啲食物同服務態度就唔合格喇, 又撞啱想慶祝食餐好嘢, 搞到好掃興...... 我覺得呢間餐廳其實唔差, 只係我咁唔好彩, 撞著啲咁既情況啫, 希望佢哋留意吓, 改善吓喇~
老實講, 三幾百蚊食啲咁嘢, 呢個價錢我就覺得唔抵喇, 我會有其他更好食更抵食既選擇.
張貼
