傷心酸辣粉 (馬鞍山中心) (已結業)

今日落雨近近地自己走左去食酸辣粉。有幾件事令我感到非常失望。1. 一入到門口樓面見到我唔走黎serve我，到我自己坐低佢先走黎叫我調位。2.攞餐牌油淋淋，筷子同碟都油淋淋，隔離枱抹完張枱有浸味，佢塊布唔知幾耐冇洗呢？3.叫口水雞酸辣粉走莞茜。碗粉黎到冇走到莞茜，叫個呀姨換，佢叫我自己「不」走。莞茜浸左湯會有味，唔係我一開始點解要你幫我走？口水雞上面乾嘅莞茜我自己整走，冇問題。但呢碗浸左落去，點整走。叫過第個呀姨，佢幫我攞入廚房，一分鐘都冇攞番同一碗比我，不過就廚房幫我一次過「不」起曬，點解我知？因為仲有些少莞茜味。呢個位已經知間餐廳無論樓面定廚房，做野都好求其。4.口水雞紅紅地，本身以為辣野係辣油搞到咁，食落望真啲先知原來味熟。我仲特登影相問我朋友係咪真係唔熟，佢地都話係，仲叫我唔好食。5.去比錢前面兩個中學生同個收銀吹水，個呀姐見到都唔叫佢地讓開，係中學生見到先拿拿林傾完走。一開始我唔肯定佢地比左錢味，因為我見中學生開左個比錢app，我以為味，就係隔離等。到我聽耐左先知佢地討論緊個app，個下我真係燥左。真心好唔掂，員工同食物都係。