影片
更多
2022-01-06
236 瀏覽
今次介紹下呢間叫八月堂嘅日本餐廳，其實之前都有食過幾次，覺得佢OK所以就介紹吓啦😆😆因為冇睇得太清楚菜式嘅名，見諒🙇🏻♀️我哋嗌咗兩個主食，有叉燒飯同埋牛肉湯烏冬，甜品就有呢個士多啤梨蛋糕🍰因為平時我都少食飯，食開麵多，佢呢度嘅烏冬都OK嘅，幾煙韌，湯底有夠濃，啲牛肉又唔會好老，淥到啱啱好，加隻溫泉蛋撈埋一齊食一流，但諗住整穿佢嘅時候，入邊個黃實既，唔係流心嚟，失望😞之後係個叉燒飯，佢將叉燒切到一粒粒鋪喺飯面頭，再加隻溫泉蛋，但呢個飯真係好失望，首先佢啲叉燒係冇味冇醃製過，之後個飯真係完完全全白飯咁，冇任何醬汁，變咗你食落去嘅時候乾爭爭又冇味，本身諗住撈埋隻溫泉蛋嚟食，同樣都係熟到爛，變咗成個飯又乾又淡，唔知食緊啲乜，仲要佢本身個飯又唔係抵，差唔多成舊水一個😩😩😩等我仲諗住介紹吓俾大家，自己都食咗幾次之後到個士多啤梨蛋糕佢裏面係吉士醬嚟，凍凍的，個味冇乜特別，但其實呢一間鋪佢個主打就係甜品，但個甜品都冇咩特別同埋呢間舖好細，啲位都好迫，如果你想舒舒服服咁食一餐飯，呢一間真係比唔到你😅😅
因為冇睇得太清楚菜式嘅名，見諒🙇🏻♀️
我哋嗌咗兩個主食，有叉燒飯同埋牛肉湯烏冬，甜品就有呢個士多啤梨蛋糕🍰
因為平時我都少食飯，食開麵多，佢呢度嘅烏冬都OK嘅，幾煙韌，湯底有夠濃，啲牛肉又唔會好老，淥到啱啱好，加隻溫泉蛋撈埋一齊食一流，但諗住整穿佢嘅時候，入邊個黃實既，唔係流心嚟，失望😞
之後係個叉燒飯，佢將叉燒切到一粒粒鋪喺飯面頭，再加隻溫泉蛋，但呢個飯真係好失望，首先佢啲叉燒係冇味冇醃製過，之後個飯真係完完全全白飯咁，冇任何醬汁，變咗你食落去嘅時候乾爭爭又冇味，本身諗住撈埋隻溫泉蛋嚟食，同樣都係熟到爛，變咗成個飯又乾又淡，唔知食緊啲乜，仲要佢本身個飯又唔係抵，差唔多成舊水一個😩😩😩等我仲諗住介紹吓俾大家，自己都食咗幾次
之後到個士多啤梨蛋糕佢裏面係吉士醬嚟，凍凍的，個味冇乜特別，但其實呢一間鋪佢個主打就係甜品，但個甜品都冇咩特別
同埋呢間舖好細，啲位都好迫，如果你想舒舒服服咁食一餐飯，呢一間真係比唔到你😅😅
張貼
