吾子廚房 (已結業)

見好多人嚟呢度打卡，趁今日放假就嚟試吓。嚟到都已經14.30，都仲要等位。不過諗住放假，冇所謂啦，等就等啦，差唔多15.00 終於有枱。叫咗個signature 親子月見丼（雞肉雞蛋飯），的確好靚，好啱打卡。服務員仲好細心咁提醒我個碗好熱，啱啱响焗爐攞出嚟，咁我就好小心，諗住細細啖食，點知一入口，啖飯一啲都唔熱，好失望！之後我明白服務員只係提醒我個碗熱，冇話啲飯都熱，係我自己諗多咗。老實講，$120買一張相，我諗我應該唔會再嚟。