影片
更多
2005-08-04
13 瀏覽
呢度都開0左好幾年, 之前都冇機會親身去食, 只係由0向中環返工0既家姐外賣返屋企. 上星期要去開中環整d野, 終於可以一嘗心願喇~0個日1點左右去到, 都有9成滿座. 午市係自己剔紙仔落order, 選擇不多, 有宜賓燃麵(有d雪菜撈埋0既冷麵, 招牌菜黎架), 牛肉麵, 排骨麵, 担担麵等(平均約$40一客), 又有口水雞($20)同紅油抄手($10)二款小菜, 同唯一一款甜品- 涷粉($5, 大約係咁0既名喇). 食品全部都辣, 又寫明係大, 中, 小定特辣, 不過家姐話好講手神, 有時特辣都唔辣又有時小辣都辣到傻(佢已經食到滑晒錏+係熟客仔), 同埋d麵分量都幾大, 所以我地只係點0左2客紅油抄手, 1客口水雞同1客宜賓燃麵.落完order, 首先上0左送0既涼菜, 係有d辣椒撈埋d類似津白0既菜, 好快就俾我清0左, 之後又再要多碟. 紅油抄手之前已經食過好多次, 1客6粒, 細細粒, 有一大抽散尾, 索晒d紅油, 內餡係豬肉. 佢d抄手係我咁大個女食過咁多雲吞類食品之中最正的, 皮勁滑, 餡甘香(相信有唔少肥肉成份因為碗野係越食越多油), 紅油又麻又辣(之前買外賣生抄手,
0個日1點左右去到, 都有9成滿座. 午市係自己剔紙仔落order, 選擇不多, 有宜賓燃麵(有d雪菜撈埋0既冷麵, 招牌菜黎架), 牛肉麵, 排骨麵, 担担麵等(平均約$40一客), 又有口水雞($20)同紅油抄手($10)二款小菜, 同唯一一款甜品- 涷粉($5, 大約係咁0既名喇). 食品全部都辣, 又寫明係大, 中, 小定特辣, 不過家姐話好講手神, 有時特辣都唔辣又有時小辣都辣到傻(佢已經食到滑晒錏+係熟客仔), 同埋d麵分量都幾大, 所以我地只係點0左2客紅油抄手, 1客口水雞同1客宜賓燃麵.
落完order, 首先上0左送0既涼菜, 係有d辣椒撈埋d類似津白0既菜, 好快就俾我清0左, 之後又再要多碟. 紅油抄手之前已經食過好多次, 1客6粒, 細細粒, 有一大抽散尾, 索晒d紅油, 內餡係豬肉. 佢d抄手係我咁大個女食過咁多雲吞類食品之中最正的, 皮勁滑, 餡甘香(相信有唔少肥肉成份因為碗野係越食越多油), 紅油又麻又辣(之前買外賣生抄手, 食唔晒d紅油仲留0向屋企個雪櫃),而家諗返起都好想食. 口水雞面頭有好多花生碎, 蔥粒, 辣椒籽, 蒜蓉等撈埋0既醬, 底又浸住辣油, 睇落都好辣, 家姐好似唔太食到, 猛咁撥開d醬, 我就猛咁夾晒d醬食, d醬好重蒜頭同d唔知咩香料味, 至arm我呢個香料愛好者. 雞件已經去骨, 淡淡肉食得痛快, 不過可惜只係冰鮮貨色, 但係都有雞味同好滑, 唔錯. 食宜賓燃麵前首先將d雪菜, 辣椒碎, 辣油等同幼身上海麵一齊
大撈特撈一番, 張order紙仔好似係寫話係大辣(定係特辣?!), 但係呢碟真係一d都唔辣, 只有雪菜0既鹹香, 幾清爽. 最尾再1人1碗凍粉, 係d類似台灣愛玉咁0既物體加0左蜂蜜食, 甜甜0地, 可以中和返d辣味, 感覺上潤返d.
臨走又買多份口水雞, 埋單都係大約$120, 中環黎計都算平. 又周媽媽勁好人, 份外賣俾0左1.5客俾我地, 家姐送盒蛋卷俾佢佢又"質"返20蚊俾過黎, 攪到我地倒賺返佢添.
呢度晚市好似係要預訂+唔做walk in, 食小菜, 唔知有冇機會試0下呢?
張貼