明師傅甜品 (已結業)

係附近食完米線,留肚搵甜品食...lei邊d糖水舖好多間都好多人喇,見到佢門口都有d人等下,好多人食,好似幾吸引咁就吸左我同朋友入去食喇...光猛o既糖水舖格局,好多人食,見張張台都有個椰皇o既? 原來係佢招牌, "甜心" 30蚊個,天氣又凍,都係食熱糖水穩陣d,我都叫個黎試下先~ 都等左少少時間,太多人...個"甜心"終於黎到喇...個椰皇黎到呢,個面就唔係熱o既? 我估佢都係"畢"d糖水入去? 唔係成個燉? 入面有椰汁,西米,同湯丸...開頭以為咪兩三粒..丫...唔係喎,有成五粒咁多,仲要係芝麻湯圓,不過個湯丸都係普普通通,個皮比較"削",唔太煙韌....椰汁夠香,但唔夠西米,得好少....甜度適中,同埋個椰皇都幾老下...我整唔到d肉出黎食....同埋我覺得個名好似唔太襯,哈哈~朋友叫左個芒果西米露加涼粉, 芒果唔o岩時候,比較酸,但西米好多,煲得幾好,粒粒晶瑩剔透....以試左兩樣甜品呢,暫時就覺得麻麻啦...有機會想試下佢d雲尼拿奶凍,好似都幾招牌菜咁...仲有佢好多甜品都係用椰皇黎載住~