影片
更多
2013-02-17
235 瀏覽
前幾日,約女友人TW尋日(16-2-2013 Sat)出o黎拜年兼食晏,佢提議呢幾個屋苑下面o既商場搵o野食.由於佢先o黎,佢就睇吓有咩o野食,我o黎到後,大家都決定食Pizza Hut.我o地坐低後,揀o左$248.00o既芝士7重奏2人套餐,因為有為新年出o既喜慶小龍蝦pizza.我o地就將餐飲加$9.00,要藍莓青檸賓治少冰同青蘋果檸檬茶,要蘑菇忌廉雞湯同烤雞田園沙律.好,餐湯先o黎,忌廉湯幾杰但唔太夠味,我就加o左黑胡椒碎飲,雞肉冇味係預o左,由佢吧.之後烤雞田園沙律到o黎,有兩片牛油多士,一咬落去,個皮有啲韌,擺o左好耐嗎?但TW話佢o個件脆.@.@”之後就食烤雞喇,不過睇到啲雞肉好似乾乾地,係咪烤過龍?食落,冇味不過好彩又係唔係好o鞋,亦好彩黑醋都幾多,令成碟都係新鮮蔬菜o既沙律夠味.食到最後,我發現在舊椰菜頭,好明顯呢舊係垃圾啦,點可以擺埋o係呢碟沙律o度上枱o架?而兩杯飲品都到o黎,睇見我o個杯顏色好靚,不過就只有青蘋果味,可能青蘋果味太搶吧.而TW o既藍莓青檸賓治呢,顏色好淡,佢話味道好淡.最後到o黎o既係喜慶小龍蝦pizza,其實上面o個啲似雪糕球o既o野係咩o黎
我o地坐低後,揀o左$248.00o既芝士7重奏2人套餐,因為有為新年出o既喜慶小龍蝦pizza.
我o地就將餐飲加$9.00,要藍莓青檸賓治少冰同青蘋果檸檬茶,
要蘑菇忌廉雞湯同烤雞田園沙律.好,餐湯先o黎,
忌廉湯幾杰但唔太夠味,我就加o左黑胡椒碎飲,雞肉冇味係預o左,由佢吧.之後烤雞田園沙律到o黎,
有兩片牛油多士,一咬落去,個皮有啲韌,擺o左好耐嗎?但TW話佢o個件脆.@.@”之後就食烤雞喇,不過睇到啲雞肉好似乾乾地,係咪烤過龍?食落,冇味不過好彩又係唔係好o鞋,亦好彩黑醋都幾多,令成碟都係新鮮蔬菜o既沙律夠味.
食到最後,我發現在舊椰菜頭,
好明顯呢舊係垃圾啦,點可以擺埋o係呢碟沙律o度上枱o架?而兩杯飲品都到o黎,睇見我o個杯顏色好靚,
不過就只有青蘋果味,可能青蘋果味太搶吧.而TW o既藍莓青檸賓治呢,顏色好淡,
佢話味道好淡.最後到o黎o既係喜慶小龍蝦pizza,
其實上面o個啲似雪糕球o既o野係咩o黎?TW估係芝士.好,我o地趁熱食喇,呢個芝士係好多,咩o野小龍蝦真係好小,而且我唔多信係小龍蝦,感覺似普通蝦多啲.而成個pizza o既料其實唔多,o個個雪糕球亦真係芝士o黎,係好濃味o既芝士但唔太鹹,好味.
而邊位亦食到芝士味,呢種就鹹啲.侍應話呢個pizza冇分厚唔厚批,因為係手拉喎,不過都算幾厚,但我o地食唔到7種芝士味啦,唔知芝士7重奏個名點o黎呢?
食完呢個餐係o岩o岩飽肚,OK o既.
服務:
我o地去到時係1:30pm左右,裡面唔係好多人,但剩返o既係兩人枱,receptionist就帶我o地去其中一張,不過我o地除o左手袋外,各人都有一袋o野,TW當然唔想坐呢啲咁窄o既枱,而當時有一張四人枱走o左,佢就要求坐呢張,receptionist就話冇問題,不過要我o地返出門口等執好枱,OK o既.
o係等o既時候我就揭吓menu,佢就主動畀本有二人餐o既menu我o地睇,重介紹加錢就可以改二人餐set好以外o既pizza,直到呢o度,我o地都覺得佢o既服務係OK o既.之後執好位就叫我o地入去,我o地入到去,TW睇到一張四人卡位又吉o左同set o緊枱,佢就問可唔可以坐o個張,但receptionist拒絕話,o個張未set好位.我o地就覺得遜色o左喇.
落單時,我同女侍應講藍莓青檸賓治少冰,點知我o地兩杯o野飲到o黎時,啲冰比我冇話要少冰o既青蘋果檸檬茶多一倍,真係奇怪.於是我o地叫佢換過,換過返o黎後,原本幾深色變到好淺色?我o地懷疑佢o地倒o左啲冰後只加返水溝淡.L
之後我o地飲完湯,沙律同pizza都紛紛o黎到,但女侍應都重唔主動執o野,又打折扣啦.
環境:
好grand好靚,不過非卡位o既凳係木凳冇軟墊就唔係幾好.
其他:
張張枱都已經放o左一樽水同好多客人都會用o既調味料,一來方便客人,二來減去侍應o既工作,呢點幾聰明.
價錢:
由於在信用咭9折優惠,所以原本要$292.60就折實為$263.00
張貼
