影片
更多
2013-07-01
83 瀏覽
一直都好想再試下澳門黎既過江龍。重記得N年前喺澳門氹仔食過既超juicy豬扒飽，30幾度下面果條長長既人龍真係永遠都會記得呀！可能因為舖租貴既關係，香港既所有大利來記一律採用外賣形式，不設坐椅。不過如果好食既話就無所謂啦，只不過今次既experience就有少少失望喇，事關佢地喺QC方面重有好大既改善空間！豬扒飽︰同一般同類型既飽唔同，佢地塊豬扒係個飽double咁大！塊豬扒都keep到一貫juicy既味道，抵讚！不過個飽就略為少少焗得over左，可能擺得喺個爐太耐既關係有少少過份乾身，令到口感差左少少！同埋個飽實在太細喇，以致食完個飽重有大半塊豬扒淨返喺度！豬扒麵︰絕對係驚喜之一！無諗過佢地咁細心，將麵同豬扒同埋D湯分開，咁就唔會浸腍晒舊豬扒，影響口感！佢地用左好似「吉X家」既外賣盒咁將兩者上下分開，喺食既時候先倒入去，咁D麵就會維持到爽口既感覺啦！D麵應該係用左鴨蛋去整，無鹼水味之餘更加有一陣淡淡既蛋香。唔知點解有少少「生X王」或者雲吞麵舖果D麵既感覺，但係食落口真係好香好爽口！特別要提一提個湯，實在太香喇，平時唔飲味精水既我都忍唔住飲左幾啖，但係之後一D口渴既感覺都冇，所以應該無
豬扒飽︰同一般同類型既飽唔同，佢地塊豬扒係個飽double咁大！塊豬扒都keep到一貫juicy既味道，抵讚！不過個飽就略為少少焗得over左，可能擺得喺個爐太耐既關係有少少過份乾身，令到口感差左少少！同埋個飽實在太細喇，以致食完個飽重有大半塊豬扒淨返喺度！
豬扒麵︰絕對係驚喜之一！無諗過佢地咁細心，將麵同豬扒同埋D湯分開，咁就唔會浸腍晒舊豬扒，影響口感！佢地用左好似「吉X家」既外賣盒咁將兩者上下分開，喺食既時候先倒入去，咁D麵就會維持到爽口既感覺啦！
D麵應該係用左鴨蛋去整，無鹼水味之餘更加有一陣淡淡既蛋香。唔知點解有少少「生X王」或者雲吞麵舖果D麵既感覺，但係食落口真係好香好爽口！特別要提一提個湯，實在太香喇，平時唔飲味精水既我都忍唔住飲左幾啖，但係之後一D口渴既感覺都冇，所以應該無落到味精！至於豬扒，portion比我想像中多，雖然因為要放入容器既關係要剪開一舊舊，但係我數過都有成七至八舊，甚至可能大過豬扒包果隻size，果然係一分錢一分貨！
奶茶︰呢方面就真係稍為失色少少！雖然D水夠熱，但係茶味唔夠，應該係沖茶既時間唔夠以致茶葉既味道唔夠時間泡浸出黎。至於奶方面既份量亦都唔係好夠，令到杯野既味道差左少少，好似飲緊溝稀左既奶茶咁，味道怪怪的！最後要提一提既係員工既efficiency。我明白「慢工出細貨」，但係要我等十五分鐘喺香港既standard黎講真係太耐喇！希望店家可以喺呢點方面做得更加好，因為lunch time對打工仔黎講真係「一寸光陰一寸金」架！
題外話/補充資料：
$35食個豬扒飽連熱飲既餐以外賣黎講都算幾貴，希望佢可以第日推出多D大眾化既產品啦！
(以上食評乃用戶個人意見 , 並不代表OpenRice之觀點。)
張貼
