Amour Cafe (已搬遷) 新店位置

星期六下午一點半入座叫咗米蘭豬扒拼奶油蘑菇意粉和雞扒蕃茄辣意粉餐，首先上了薯仔湯，味道冇咩特別，喺日本買嘅即冲湯好飲過佢，因為咖啡機壞咗於是點了凍奶茶和熱奶茶，從來唔喜歡飲西餐奶茶所以唔comment啦，兩碟意粉非常熱辣辣，不過兩碟意粉煮得有些稔我個人不太喜歡，朋友叫的雞扒蕃茄辣意粉汁太多了，雞扒冇咩味道，而我叫的米蘭豬扒只是炸豬扒，有點似老式快餐店製作的炸豬扒，奶油味道剛剛好不太膩，最後跟餐點了吉士蛋和tiramisu,tiramisu要加$7，吉士蛋賣相ok不過唔好比佢呃咗，喺超市買嘅日本入口布甸比呢個吉士蛋好食好多，tiramisu似舊式餅店蛋糕，個人覺得唔好食，埋單好似$69+$71+$7+凍飲錢，唔太記得了，不過值得一讚兩位叔叔（可能係老闆）非常有禮貌👍，個人覺得呢間店似舊式港式西餐快餐店只不過呢度附加service, 試過一次就算了