潮州邨 (已結業)

十月三日, 諗唔到想試咩新嘢既星期五, 又嚟噃《潮州邨》,因為都幾掛住佢個炸蠔餅同、芋蓉香蘇鴨同鹵水鵝!今次多咗一個同事一齊嚟食飯, 即係六個人, 可以叫個六人餐喎~即係一個鹵水鵝加自選五個小菜 ($288)。鹵水鵝上次影過唔再影啦, 例排一樣好味道!至於個蠔餅, 今次個個都襯熱食, 正! 同埋呢次好似比起上次多更多蠔仔喎~芋蓉香蘇鴨, 依然好味, 但旁邊啲炸葉好似少咗...走地雞, 嘩! 份量好少喎~ 仲要好似冇乜用咁既! 味道 OK, 但唔特別。椒鹽骨排, 又係個份量好似比較少, 雖然味道都唔錯, 但以「椒鹽」嚟講炸得唔夠乾身。雜菌浸時菜, 都係覺得份量太少, 味道不過不失。另加一個男店員推介既炒魚麵, 好似食緊一條條既魚片魚旦咁, 味道都幾好, 但都係唔係好特出, 如果鍾意食魚片既人應該好鍾意食呢個炒麵。更詳細資料及圖片請看 : http://hk.myblog.yahoo.com/joycewai616/article?mid=11240