兩草 (威德閣)

營業中

休息中

其實都想支持香港小店， 但係有時啲服務質素真係好短視。 搭枱係正常都，唔會怪你哋。但我已經叫咗正餐叫埋嘢飲， 食完啲豬油有啲肥膩，想叫你畀杯水飲兩啖解下肥， 回覆係我哋淨係得樽裝水。食物質素正常， 多士都脆， 肉餅質素不過不失， 喜歡可樂係樽裝上。但豬油渣係室溫，好似係膠袋倒出嚟咁， 其實熱一下都唔係好大功夫。 職員話茶餐係星期一至五先至有，但係將海報好似睇唔到(可能啲字有啲細)。隔離半島冰室可以做排隊王， 就係每一個小節都畀啲功夫， 人哋旺場你好多，但係都唔會咁樣對待客人。