影片
更多
2022-03-31
844 瀏覽
呢間小店開咗咁耐我今日先行入去，原來係好嘢嚟失敬失敬！今日閒日又係疫情所以加埋我先得兩個客，鋪仔細細但感覺乾淨企理，點咗碗雲吞麵加熱奶茶（$34），碗麵端上面前比人觀感唔錯，麵立立令未食就覺得佢爽口，有少許韭黃而唔係蔥已經要加分，雲吞放喺底亦應該係咁，有傳統專業feel; 外觀唯一美中不足係佢加咗一條唐生菜，其實加一菜尤其係生菜，菜嘅青味會影響湯嘅味道，聞上去都有影響，不放也罷。飲啖湯先，有微微大地魚味但唔夠濃，有冇放蝦殼煲呢小弟就食唔出，見佢舖外有人喺度燒大地魚但可惜佢可能佢熬湯唔夠時間，論湯底佢係不及麥子輩嘅老字號但果啲成五十蚊碗喎！到麵啦，爽，彈牙唔立口，隱約有啲豬油味，正。到雲吞，呢個係重點，扎實飽滿，蝦爽，鮮，豬肉香，唔會太重調味，size 啱啱好，咬落去唔會散晒跌啲餡出嚟，（坊間太多果啲懶大粒，落重麻油嚟遮雪味，仲一咬就散嘅雲吞），皮薄，如果拖埋條金魚尾就更優美啦，雲吞底部唔會疊埋一層厚實嘅皮，LIKE! 單論雲吞佢已經好高分。成件事呢碗雲吞麵係值得再返單。下次會外賣返屋企打邊爐。期待試埋佢嘅水餃。
今日閒日又係疫情所以加埋我先得兩個客，鋪仔細細但感覺乾淨企理，點咗碗雲吞麵加熱奶茶（$34），碗麵端上面前比人觀感唔錯，麵立立令未食就覺得佢爽口，有少許韭黃而唔係蔥已經要加分，雲吞放喺底亦應該係咁，有傳統專業feel; 外觀唯一美中不足係佢加咗一條唐生菜，其實加一菜尤其係生菜，菜嘅青味會影響湯嘅味道，聞上去都有影響，不放也罷。
飲啖湯先，有微微大地魚味但唔夠濃，有冇放蝦殼煲呢小弟就食唔出，見佢舖外有人喺度燒大地魚但可惜佢可能佢熬湯唔夠時間，論湯底佢係不及麥子輩嘅老字號但果啲成五十蚊碗喎！
到麵啦，爽，彈牙唔立口，隱約有啲豬油味，正。
到雲吞，呢個係重點，扎實飽滿，蝦爽，鮮，豬肉香，唔會太重調味，size 啱啱好，
咬落去唔會散晒跌啲餡出嚟，（坊間太多果啲懶大粒，落重麻油嚟遮雪味，仲一咬就散嘅雲吞），皮薄，如果拖埋條金魚尾就更優美啦，雲吞底部唔會疊埋一層厚實嘅皮，LIKE! 單論雲吞佢已經好高分。
成件事呢碗雲吞麵係值得再返單。下次會外賣返屋企打邊爐。期待試埋佢嘅水餃。
張貼