影片
更多
2022-04-22
429 瀏覽
事咁的，今日同朋友去左迪士尼間「大冒險家餐廳」到食左個半自助餐，限時75分鐘，有入過迪士尼既人都知，要食佢地既野就一定要俾左錢先，個餐係包左一份主食同埋任飲任食既甜品、沙律等既食物，我朋友個餐10分鐘內就已經到左，但係我個餐就足足等左45分鐘，大家冇睇錯，係45分鐘!!!!係呢45分鐘內，個樓面拎住個餐去晒成個場都重未去到我地張台到，呢d咁既巡遊睇一次就算啦，隔左5分鐘後，又再表演一次，重要去埋人地張台到，當時我已經問佢個餐係唔係我地呢張台，可能我講野太細聲，佢完全聽唔到，又將個餐拎返入廚房，可能果個阿姐冇陰陽眼，所以完全睇我唔到，之後有位有陰陽眼既姐姐走過黎問我地「個餐係唔係重未到?」，之後再次入廚房幫我睇下個餐，我果一刻真係覺得好窩心，我窩心既係 : 「你竟然睇到我」由於太肚餓既關係，所以主食未黎之前，就出去夾左D沙律同甜品，諗住食定少少野打定個底先，所以就夾左少少金寶蘋果批，點知一係就唔食，一食就差D又要死多次，個味完全唔係平時食開既蘋果批，佢地將原本以為有既「肉桂粉」改成「孜然粉」，咁都算啦，或者當時我真係餓到味覺完全錯晒，所以唔信邪再試多次，點知就出事啦，竟然食到「膠片」，如
由於太肚餓既關係，所以主食未黎之前，就出去夾左D沙律同甜品，諗住食定少少野打定個底先，所以就夾左少少金寶蘋果批，點知一係就唔食，一食就差D又要死多次，個味完全唔係平時食開既蘋果批，佢地將原本以為有既「肉桂粉」改成「孜然粉」，咁都算啦，或者當時我真係餓到味覺完全錯晒，所以唔信邪再試多次，點知就出事啦，竟然食到「膠片」，如果食到一塊都唔會同佢計，可能廚房忙中有錯，點知果一啖好似變緊魔術咁，兩塊三塊四塊，果幾塊膠片係我個嘴到係咁湧出黎。
咁大件事緊係搵個樓面過黎了解返成件事，佢同我講話個「金寶蘋果批」成份入面有堅果，可能係堅果既皮黎，雖然我知道唔係皮黎，但係我又唔想變成奧客，所以就接受左呢個「堅果皮」既答案，點知佢拎左我個餐入去問廚房我張紙巾上面果D係咩黎，出返黎竟然同我講，「廚房幫你睇左同試左，果D係「曲奇餅」黎!!!!」
張貼
