當下 (翠怡花園) (已結業)

由一開始西餐，到日本菜，到現在港式。作爲青衣（香港著名美食沙漠）居民，我都抱持著咩到試左先，可能有驚喜嘅態度去食。但係真係唔得呢。就講今日叫左個焗豬排飯，先不論個餐湯夠膽係純白湯（無材料純粹係忌廉湯，麵粉開水個種），焗飯係蛋炒飯底，少蛋多飯，飯濕到爛。阿媽教落炒飯要用隔夜飯如果唔係炒唔起，我相信個炒飯底係新鮮飯炒出黎。焗飯個汁似係金寶出品，無咩特別，唔會難食。塊豬排算唔錯，唔會太乾。整體俾個飯底拖累左。其實，之前係日式餐廳時，真係好好食，覺得直情可以做青衣嘅特色餐廳。宜家無左，真係好失望。