影片
更多
2016-04-07
292 瀏覽
之前這間店初在愉景新城開業時，它是在地下那層，還記得那時每逢午市晚市時段，都有很多人堵在門口等位，我都幫襯過幾次，質素確係不俗。自從商場大裝修後，知道它搬到了三樓，一直未有機會再試，今天剛巧在愉景搵食，記起呢間餐廳，便打算重溫食好西，點知奶哂嘢，中伏！其實到門口時，時間是平日的午餐時段，應是各餐廳最忙的，但這裡當時目測入座率不足四成，和之前門口總有幾十人等位的情況相去甚遠，其實咁嘅環境我應該臨崖勒馬，但正所謂是福不是禍，是禍躲不過，上天係要我遭此一劫，唔知點解我仲咁勇咁對門口的姐姐講，一位，唉.....他們的午市套餐有兩款玩法，一係一個點心加一個麵，或者客飯，一個餸加一個飯，仲有個湯。今天我點了一個椒鹽排骨客飯套餐配酸辣湯，而上天可能嫌我奶得未夠應，我竟然追加多一客鍋貼。先來的是酸辣湯，老老實實，好一般，佢完全忠於自己的名字，得酸味同辣味，即係煲滾啲水，勁落醋同辣油，加個生粉水整到杰撻撻，蒙起你對眼，其實個味道就同呢碗嘢一模一樣。但人係應該知足，喺我一路食一路炳呢碗嘢的時候，我又點估到，呢碗嘢正正係我今日午餐中最好味嘅呢。我有啲後悔當時不懂感恩！罪過....跟住黎的椒鹽排骨，我先撥開面
其實到門口時，時間是平日的午餐時段，應是各餐廳最忙的，但這裡當時目測入座率不足四成，和之前門口總有幾十人等位的情況相去甚遠，其實咁嘅環境我應該臨崖勒馬，但正所謂是福不是禍，是禍躲不過，上天係要我遭此一劫，唔知點解我仲咁勇咁對門口的姐姐講，一位，唉.....
他們的午市套餐有兩款玩法，一係一個點心加一個麵，或者客飯，一個餸加一個飯，仲有個湯。今天我點了一個椒鹽排骨客飯套餐配酸辣湯，而上天可能嫌我奶得未夠應，我竟然追加多一客鍋貼。
先來的是酸辣湯，老老實實，好一般，佢完全忠於自己的名字，得酸味同辣味，即係煲滾啲水，勁落醋同辣油，加個生粉水整到杰撻撻，蒙起你對眼，其實個味道就同呢碗嘢一模一樣。但人係應該知足，喺我一路食一路炳呢碗嘢的時候，我又點估到，呢碗嘢正正係我今日午餐中最好味嘅呢。我有啲後悔當時不懂感恩！罪過....
跟住黎的椒鹽排骨，我先撥開面的炸蒜頭，夾舊排骨食下，咦....冇味嘅，再食下啲炸蒜頭，咦...幾香喎，其實呢碟嘢應該叫椒鹽 • 排骨，分開的，層次感非常好，真係分得清清楚楚，點都好，錢就要比，點都要食飽，原來炸蒜頭送白飯都幾有風味架！而且要食飽有何難，我仲有四舊鍋貼嘛，鍋貼要整得難食都幾有難度，但事實我真係太睇少呢度的廚房工作人員。
我真係唔知點形容呢四舊物體，首先，唔熱，我又唔會話佢凍嘅，因為我都feel到仲有少少微溫，其次，冇肉汁，係ddddddd都冇，放入口就係一堆粉同肉，好鬼簡單直接，非常配合我個feel, 都係好簡單直接咁覺得佢難食。
埋單百四蚊，仲有雙倍印花，今餐咁就儲到四個，但當你知道你不會再踏進這裡時，又何必為你的銀包增添多一張廢紙呢？總括，它的水準正正反映在客人的數目上，這是顧客們對這間餐廳最直接的feedback, 殘酷但真實，舖位搬高了兩層，水準下跌了不止兩個Level！
張貼
