Lady M

營業中

休息中

5月1號係尖沙咀真係人頭湧湧，一gip一gip行李箱碌過我鞋面。LadyM都不例外，人龍兜了兩個圈，同當年剛開張無分別。既然堂食都人擠人，又不知道要等多久。有見及此，我地決定買走去海邊邊嘆風景邊嘆cake。LadyM包裝認真細心，又有塊保冷冰保溫又用紙圈回定件cake，我地為左食下一餐就淺嚐一件，分享分享。佢每一塊餅皮真係好薄，薄過紙，真係好考功夫，食黎個層次感因此昇華不少。而伯爵茶呢個口味係偏淡唔會好甜，加上每層既幼滑忌廉係抹得平均，同餅皮既份量配合得好好，每一啖都會食到層層疊疊既口感，刺激味蕾。不過75蚊的價格真令人卻步，但其味道真能引誘一波又一波人前去品嚐，味道實在令人心癢難耐。如果新界西都開一間就更好了。題外話，海港城度睇住海境食cale別有風味，吹吹海風，嘆嘆cake，唔洗人迫迫，唔洗係商場open area 俾人望實晒，感覺舒服好多。