雄記粉麵 (已結業)

光榮結業前點都要食多次，回味一下魚肉春卷雖然外型好樣衰，但最好味一刻係剛剛炸起，外脆內軟嗰時，不過好難遇到，因為你永遠唔知幾時剛剛炸起仲有舊牛筋味道非常濃郁，燜得勁淋好膠好正。可惜呢度特色係碗麵份量真係好細，雙拼的話牛筋得2粒，食完真係無乜感覺，好想叫多碗但又驚俾人笑大食，而且服務態度麻麻地，最好去到坐得即刻叫唔好諗食乜優勝之處係夠懷舊，港式風味難捨難忘，食咗N咁多年，始終都要光榮結業，希望後會有期。