利寶閣 (已結業)

有睇過食神嘅都知道星爺最後用一碗黯然銷魂飯打敗咗佛跳牆，估唔到利寶閣都有星粉，將呢兩樣野變成一個套餐。睇星爺長大嘅我當然要去試一試呢個套餐啦。上環分店地方都算大，平日夜晚去食都估唔到都有七八成入座率，還好我地早黎到，唔需要等位。今晚係為咗呢個叉燒飯佛跳牆套餐而嚟，所以就叫咗一份。周年優惠嘅香酥雞半隻都係98，再加多一個欖仁蟹肉桂花炒瑤柱。黯然銷魂飯，如果你覺得佢係一個普通嘅叉燒飯，咁你就大錯特錯啦。碗飯嘅叉燒好掂，係我最愛既半肥瘦。瘦叉嘅部份好冧，入口即溶，唔似出面嘅瘦叉又硬又柴，非常好味。可惜飯入面無加入洋蔥，無辦法感動到喊，哈哈哈哈。佛跳牆用料好足，湯嘅味道好濃好鮮甜，睇黎廚師用咗佢嘅內功將食材嘅鮮味迫晒出嚟。佛跳牆入邊有鮑魚，花膠，魚翅，花菇等等。鮑魚好大隻，好彈牙，花膠好大好黏好多骨膠原，魚翅一絲絲好彈牙，花菇好香。香酥雞唔同平時食嘅炸子雞，佢嘅雞皮係沾左粉去炸，所以係更加香口同脆，但又保持到雞肉嘅嫩滑，非常好味。欖仁蟹肉桂花炒瑤柱，呢個餸有啲似螞蟻上樹，啲蛋碎欖仁同蟹肉沾咗係啲芽菜上面，口感好豐富，而且味道好鮮甜，唔會好重好濃，食落去感覺好舒服。呢個食神套餐真係無得輸，非常抵