影片
更多
2022-07-08
324 瀏覽
路經新都城，點都要搵啲未試過，但出名嘅食店去試，在芸芸食店中，見到敏華，印象中好似見過網路上有好多人都讚賞過呢間連鎖店，但又唔記得佢咩食物出名，既然係咁，唔理啦！入去見到有乜合眼緣至講。呢間餐廳地方細細，一反連鎖快餐店寬敞闊落嘅印象，唔睇招牌，仲以為去咗啲屋邨或舊樓嘅舊式茶餐廳，因為連裝修都有類似格局，但唯獨檯上的自助點餐機，就知呢間係新裝修嘅餐廳。見到餐牌，選擇唔算多，好典型嘅茶餐廳餐牌，起冇乜心水下，見到餐廳內周圍都係店長推介嘅黯然銷魂飯宣傳，話啲米係用金鳳米，豉油同叉燒都係秘製，而叉燒係用上黑毛豬做，吹到咁行咁巴閉，雖然個套餐包飲品要$71，價錢偏貴，但一來好日唔嚟下，二嚟可以用消費券，即係變相唔使自己畀，就一於試吓佢。餐飲方面，見佢個羅宋湯同凍飲一樣價錢，要加$3，有別於一般茶記個羅宋湯同熱飲同價，唔使加錢，咁即係暗示佢呢個湯有啲特別，好！一於試吓佢。先講個湯，以為有乜咁特別，原來冇料到，牛肉碎都見唔到，湯面層辣油都冇埋，椰菜都唔見有幾條，辣椒、香葉同茄糕都唔見，係唔鹹，好清新、好健康，正面啲睇係健康版嘅羅宋湯，但絕對唔係我想要嘅湯。講到個黯然銷魂飯，有睇過食神電影都知道講嘅係
呢間餐廳地方細細，一反連鎖快餐店寬敞闊落嘅印象，唔睇招牌，仲以為去咗啲屋邨或舊樓嘅舊式茶餐廳，因為連裝修都有類似格局，但唯獨檯上的自助點餐機，就知呢間係新裝修嘅餐廳。
見到餐牌，選擇唔算多，好典型嘅茶餐廳餐牌，起冇乜心水下，見到餐廳內周圍都係店長推介嘅黯然銷魂飯宣傳，話啲米係用金鳳米，豉油同叉燒都係秘製，而叉燒係用上黑毛豬做，吹到咁行咁巴閉，雖然個套餐包飲品要$71，價錢偏貴，但一來好日唔嚟下，二嚟可以用消費券，即係變相唔使自己畀，就一於試吓佢。
餐飲方面，見佢個羅宋湯同凍飲一樣價錢，要加$3，有別於一般茶記個羅宋湯同熱飲同價，唔使加錢，咁即係暗示佢呢個湯有啲特別，好！一於試吓佢。
先講個湯，以為有乜咁特別，原來冇料到，牛肉碎都見唔到，湯面層辣油都冇埋，椰菜都唔見有幾條，辣椒、香葉同茄糕都唔見，係唔鹹，好清新、好健康，正面啲睇係健康版嘅羅宋湯，但絕對唔係我想要嘅湯。
講到個黯然銷魂飯，有睇過食神電影都知道講嘅係叉燒煎蛋飯，而佢個賣相，尤其是叉燒，一啲都唔吸引，但食落又完全兩回事。
蛋係脆邊流心煎蛋，冇咩特別，識食嘅，唔使店長提示都知一定要將蛋扒開，等蛋漿同豉油連同個蛋混合埋一齊，先至好食，但豉油好壞，會直接影響蛋漿口感，好明顯呢碟飯嘅豉油係一絕，有別於普通家庭食用豉油，明顯係店家自己再製過先至有咁嘅效果。
叉燒又係畀佢外表呃到，因為佢外表係啡色，有別於傳統嘅紅色，而且見到入面一大嚿肥豬油起肉與肉之間，睇見都有啲驚，以為唔掂，點知呢個先至係精華所在，咬落爽脆，肥而不膩，瘦肉與肥肉相間，配合得天衣無縫，非常美味。若果要做類似比較，我會覺得佢嘅質感似臘肉嘅肥肉咁脆，但瘦肉部分，又冇臘肉咁硬，係任何燒臘店或中式酒樓都冇辦法食到嘅質素。
至於個飯就更精彩，軟硬適中而且有啲綿，非一般用家用電飯煲煮出嚟嘅效果，我都買過金鳳米去煮飯，但效果同佢係天淵之別，加上秘製豉油同蛋漿及脆邊蛋撈埋一齊食，唔使要叉燒，都可以添食再添食，同樣質素嘅飯，真是人生難得幾回嚐。當然，可能去到六國飯店咁嘅級數飯店食到都未定，但至少我未試過。
總體嚟講，個飯係超好食，咁嘅價錢食到咁嘅質素，絕對係抵，但個湯就真係好唔掂，寧願揀凍飲好過。
食評我畀ok係因為個湯拉低分數，其他星星評分都係一樣，若單以個飯計，必定係好味。
張貼
