敏華冰廳 (新都會廣場)

營業中

休息中

之前見過哩個飯既海報，覺得個名好搞鬼，咁啱經過就試下。當時見到餐廳坐滿，仲要係出面排左條隊，覺得更加要試下。黯然銷魂飯！（$63）揭開係半熟流心蛋，叉燒係大大舊半肥瘦叉燒~叉燒係厚切既，四舊大舊，然後邊邊燒到有少少燶，調味幾好，真係好好味啊~（家燕姐上身）但蛋黃同醬油撈埋一齊，menu上寫佢係有秘製香蔥油，口飯真係幾香。我覺得黯然銷魂飯唔單止係用個噱頭，事實上都好味，而且CP值好高，值得一試。紅豆冰（+$6）凍奶茶(+$3)紅豆冰俾一般既無咁甜，咁啱就啱我口味。凍奶茶都唔錯既，同太興既冰鎮奶茶有得揮。不過就唔適合坐低傾計，因為好似一直有人等緊，店員收蝶都收得好快，所以食完都係快快脆埋單出去行下街算。