敏華冰廳 (荃錦中心)

營業中

休息中

今日去咗敏華冰廳食晏，平時都係食早餐多，早餐質素一向唔錯，希望今日嘅午餐都唔會令人失望。早啲去到，好好彩唔使等位，餐廳環境都算開揚同企理，最緊要係乾淨。叫咗敏華最出名嘅黯然銷魂飯，六十幾蚊其實都幾貴，不過唔緊要啦，新年前食好啲！我好欣賞佢嘅叉燒，肥瘦啱啱好，厚切大大件，肉質有彈性，一啖咬落去好滿足。佢嘅燒烤醬亦好惹味，甜甜的，好正！佢亦配有兩隻太陽蛋，其實撈飯食係好食嘅，蛋黃可以令到啲飯食落去更滑更軟，不過我比較鍾意成隻蛋放入口再咬爆佢，流心嘅感覺好正。甜豉油都好香，撈飯食一流！貴得都叫有少少道理嘅。