粵軒

營業中

休息中

好多年無食過粵軒嘅黯然銷魂飯，因為好受歡迎好易爆，之前幾年都錯過左deadline，無食左兩次，幸好今年extend左去到4月16日，尋晚有機會食到。無記錯黯然銷魂飯來到第四個version，經過左好多次對叉燒，飯，蛋甚至豉油嘅改良，呢個係餐廳最滿意嘅形式，事實上都係好精彩嘅一個版本。個叉燒勁厚身又燒得好靚，好食過好多米芝蓮餐廳嘅叉燒，甜甜嘅外層加上左勁靚嘅燶邊日本蛋，仲有香港本地出名嘅豉油，又有好新鮮嘅紫洋蔥撈係個飯入面，一啖飯包哂叉燒同蛋，真係好大滿足感。除左個飯之外，個餐仲有前菜醋珠沙律菜，中段有個甜甜的芹香梅菜蒸龍躉球，松茸螺頭燉雪雁，再加大紅袍茶皇糕金腿玫瑰酥甜品都係$388，記得之前都係$430以上，價錢平左，但野食多左，咁係唔係應該襯最後機會試下，酒店話今年一定唔會再出番，想食要快啦。